CARMELLA
Carmella Perez, sya ang bunsong babae sa Pamilya Perez sa bayan ng San Miguel. Kilala ang pamilya nila bilang mga salot sa bayan nila, lima silang magkakapatid at iba-iba ang ama nila. Salot, Malalandi, Kaladkarin mga kabit. Yan ang madalas itawag sa pamilya ni Carmella, buong San Miguel ay hinuhusgaan sila pati sya kahit pa sabihin nyang wala syang ginagawang masama, kahit pa pinipilit nyang maging iba sa mga kapatid, dahil wala syang hangad kundi ang makilala sya bilang si Carmella Perez na babae, dalaga at hindi kung anu-ano. Sa paglipas ng panahon pilit na pinapabuti ni Carmella ang sarili upang huwag matulad sa mga kapatid nya, nag-aral sya ng mabuti para maipakita sa mga taong humuhusga sa kanya na iba sya, ayaw nyang tsismisan at bigyan ng katotohanan ang binibintang sa kanya na lalaki din syang tulad ng Nanay nya na paiba-iba ng kinasama at mga Ate nyang kung kani-kanino na sumama at pumatol pati sa mga may asawa ay pumapatol ang mga kapatid nya, kaya naman madalas silang pag tsismisan.
Naging mas komplekado ang lahat ng ang Kapatid nya ay madikit sa mga Del Castillo, sinasabi kase sa bayan nila na kabit daw ni Mr. Del Castillo ang panganay na kapatid ni Carmella na si Grace. at dahil doon nakilala nya si Aiden Del Castillo, ang panganay na anak ni Mr. Del Castillo, at sa unang kita palang ni Carmella rito ay na attrack na ang batang puso nya. ngunit galit at pagkamuhi ang pinapakita ni Aiden sa kanya. Kaya kahit may pagtingin sya kay Aiden ay pilit nyang winawaksi dahil alam nyang suntok sa buwan ang magkagusto sa tulad ni Aiden. Sa sobrang galit pa ni Aiden sa pamilya nya ay ito mismo ang nagpalayas sa kanila sa tinitirhan nilang bahay, wala syang nagawa noon, nagmakaawa sya kay Aiden pero hindi ito nakinig, pinalayas sila ni Aiden ng gabing yon na hindi alam kung saan pupunta, ang gabing yon ang pinakamasakit na nangyari sa kanya nakita nya ang galit ni Aiden sa pamilya nya, at hindi naman nya ito masisisi. matapos ang pangyayaring yon, nawala sa bayan ng San Miguel si Aiden, pinadala daw ito ng ama sa ibang bansa para doon magtapos ng pag-aaral. hindi na nya muling nakita si Aiden matapos ang ginawang pagpapalayas sa kanila sa bahay nila.
Makalipas ang limang taon, nagbalik ng San Miguel si Aiden upang ito na ang mangasiwa sa Del Castillo Resorts. Nagkataon naman na doon pumasok na OJT si Carmella, nagkrus muli ang landas nila makalipas ang limang taon, sa unang beses palang nang pagkikita nila, galit at pagkamuhi nanaman ang nakita nya kay Aiden.
Ngunit sa bawat araw na nagkikita sila nito sa Resorts ay tila lumalalim ang nararamdamn ni Carmella kay Aiden at ngayon ay tila ganoon na rin si Aiden kay Carmella. May pagtingin na rin si Aiden kay Carmella na pilit nyang winawaksi, dahil ayaw nyang sya naman ang tapunan ng tsismiss dahil tulad din ito ng ama na nahuhumaling sa isang Perez. pero kahit anong pilit na labanan ni Aiden ang damdamin ay hindi nya nagawang pigilan lalo na't tila sya naaakit kau Carmella, hindi nya maipaliwanag sa sarili kung pagnanasa o pag-ibig ang nararamdaman nya kay Carmella.
Dahil nais nyang malaman at masigurado ang damdamin nya kay Carmella nilayo nya ito sa San Miguel, at doon nya natuklasang mahal nga nya si Carmella. at sa paglayo nila ni Carmella ay maraming lihim na nabunyag, at lalong naging kumplekado ang relasyon nila. pero nagpakatatag sila at pinaglaban ni Aiden si Carmella sa pamilya nito at sa mga taong humuhusga sa pagiging isang Perez nito. alam nya at napatunayan nyang iba so Carmella hindi ito tulad ng mga kapatid nito, sya mismo ang magpapatunay non dahil sya ang unang lalaki sa buhay ni Carmella.
Elizabeth_Darcy · Teen
