Going Back Home

Nang magkita si Ashley at Sato ng umaga, kitang kita ng kanyang mga mata na meron itong isang napaka gandang ngiti sa labi. Napangiti siya ng pasimple dahil alam niyang may milagrong ginawa ito kasama si chef Sander ng nakaraang gabi.

Alam niya na umalis ito dahil ipinaalam sa kanya ng bodyguards nila kararating lang ni Sato at nakita itong kasabay ni chef Sander na dumaan sa pintuan mula sa kusina. Masaya siya para dito dahil sa wakas ay nakatagpo na siya ng isang tao na magmamahal sa kanya. At least ito ang idinadasal ni Ashley.

Naisipan niyang biruin ito ng malapit na. 

"Parang may isang napakagandang gabi kagabi na nangyari ah?" bulong nito nang dumaan si Sato sa kanya bago umupo sa hapag kainan.

Biglang namula ang pisngi at nanlaki ang mga mata ni Sato ng marinig niya ang sinabi ni Ashley, ngunit wala siyang sinabi tungkol dito, binati lang niya ng pabalik ang among babae.