Hindi ka Mamamatay kung Hindi mo Susuyuin ang Kamatayan (10)

"Allowed."

Tumango ang judge bilang pagsang-ayon at ang assistant naman ni Zhang Saochang ang nag-abot ng USB dito.

Iniabot ito ng judge sa jury, at pagkatapos, isinaksak ito ng foreman sa computer, at nagsimulang mag-play ang video sa projector…

Ipinakita nito ang nakakagimbal na pangyayari mula sa gabing iyon…

Hawak ni Huo Mian si Zhou Guangming sa kwelyo, habang ang isa namang kamay nito ay nakahawak sa isang basag na bote ng beer at nakadiin ito sa leeg ni Zhou Guangming.

"Kuya Zhou..." Bumalik na sa wisyo ang mga tao nito at lumapit kay Huo Mian.

"Huwag kayong lalapit, kung hindi, mamamatay siya." Mas idiniin ni Huo Mian ang bubog sa leeg ni Zhou Guangming.

Kaagad naman itong sumugat sa leeg niya kaya napahiyaw ito sa sakit.

"Oh t*ngina, ang sakit! Huwag kayong lalapit, atras… atras."

Ka....

Pagkatapos ng maikling palabas, tumigil na ang video.