Nagising na si Xu Jiamu (7)

"Narealize ko lang kasi na lahat ng ibinigay mong regalo sa akin ay may nakaengraved na 'Shmily'. Sobrang naging sikat ng brand na ito nitong mga nakalipas na taon."

Sa totoo lang, nakita na ni Qiao Anhao ang mga nakaengraved na letrang 'Shmily' sa unang regalo palang ni Lu Jinnian sakanya. Noong una, hindi niya talaga alam kung anong ibig sabihin nito at hindi niya rin alam na ang brand na ito pala ay nagbebenta ng kahit anong klase ng regalo. Nito niya nalang nalaman na pangalan pala ito ng isang brand, noong nakita niya ang Shmily gift store sa high street, apat na taon na ang nakakalipas.

Ang boses ni Lu Jinnian ay nanatiling kalmado habang sumasagot. "Ayos naman ang binebentang regalo ng brand na 'yun."

"Magaganda kaya." Pagsangayon ni Qiao Anhao. Hindi nagtagal ay muli siyang nagsalita, "Alam mo ba ang nakakaantig na kwento ng brand na 'yun?"

"Anong kwento?"

"Nakita ko sa Weibo na ang Shmily pala ay acronym ng See, How, Much, I, Love, You. Ang sabi nila, ang founder daw ng brand na ito ay sobrang inlove at ginawa niya lang ito para makapagconfess sa babaeng minamahal niya pero dahil masyadong naging competitive ang mga regalong itinitinda sa industriya, hindi kaagad ito naging sikat. Kinuwento ang istorya na ito sa Weibo."

"So may romantic story pala sa likod nito."

"Yeah, sobrang romantic!" Halata sa tono ni Qiao Anhao na naiinggit siya. "Sobrang swerte talaga ng babaeng yun!"

Ngumiti lang si Lu Jinnian at hindi na nagsalita. Sa wakas nakarating na sila sa Mian Xiu Garden at habang pasan niya si Qiao Anhao ay naglakad na siya papasok sa gate."

See, How, Much, I, Love, You.

Shmily.

Mumurahin lang ang mga regalong naibigay niya noon kay Qiao Anhao pero may malalim na ibig sabihin ang bawat isa sa mga ito.

Siya ang mismong nagengraved ng mga salitang iyon sa pinaka una niyang regalo.

Sa pagtagal, halos apat na taon na ang nakakalipas, noong hindi na sila nakakapagusap at yumaman na rin siya, opisyal niyang binuksan ang brand na ito.

Mumurahing regalo lang ang mga binebenta nila pero masyadong mahal ang renta sa Beijing kaya nalugi sila noong una. Sinabihan siya ng kanyang assistant na isarado nalang ang lahat ng branch nito dahil wala naman talaga siyang alam sa business. Tumanggi siya dahil sa isang rason at yun ay dahil para sa kanya, ito ang pinakamagandang confession na nagawa niya para kay Qiao Anhao

Shmily.

See, How, Much, I, Love, You.

-

Noong tumawag si Han Ruchu sa ospital, nakabalik na sa tulog si Xu Jiamu at nakaalis na rin si Qiao Anhao. Nang malaman niyang nagising na ang kanyang anak, kahit na malalim na ang gabi hindi siya nagalinlangang ipatawag sa katulong para ipagmaneho siya nito papuntang ospital.

Kung manggaling sa mansyon ng mga Xu papunta sa ospital, madadaanan nila ang Mian Xiu Garden.

Walang ibang iniisip si Han Ruchu noong mga oras na iyon kundi ang kanyang anak kaya wala na siyang pakielam sa ibang bagay at hindi niya na rin nagawang dumungaw sa bintana pero biglang bumagal ang pagmamaneho ng katulong…

Kumunot ang mga kilay ni Han Ruchu at iniangat niya ang kanyang ulo para tumingin sa katulong na may tinitignan sa labas ng bintana. Walang siyang ideya kung ano ang nangyayari kaya bigla siyang natanong, "Anong problema?"

Pagkarinig ng katulong ng boses ni Han Ruchu, may itinuro ito sa labas ng bintana at sinabi, "Missus, tignan niyo po, si Miss Anhao."

Sinundan ni Han Ruchu ang itinuturo ng katulong at nakita niya si Qiao Anhao na nakapasan sa isang lalaki. Ang lalaking iyon ay walang iba kundi si Lu Jinnian.