Galit na Galit Dahil sa Kanyang Katiwala! Sinira ang Yang Peak Gamit ang Kanyang Ispada!

Noong tanungin siya ni Luo Ping kasama ang halos lahat ng nasa tuktok na nanonood kay Yun Gang, isang mahinahon na tinig ang nagmula sa kalangitan. "Pinatay ko siya."

"Sino iyon?!" Sa isang iglap, ang lahat kabilang si Luo Ping ay nagbago ang mga ekspresyon. Hindi nila inakala na may isang tao na nagtatago sa kalangitan sa taas nila. 

Noong sila'y tumingala, ang nakita lamang nila ay ang kulay lilang anyo na bumaba mula sa kalangitan, na sinusundan ng tatlong anyo sa likod. 

Gayunpaman, ang mata ng lahat ay nakatuon lang sa lilang anyo. Pinili nilang huwag pansinin ang tatlong iba pa. 

Ang lilang anyo ay isang batang lalaki na nasa edad na dalawampu't lima at ang mga kilay niya ay tulad ng espada at may maganda siyang mga mata, at siya ay nakabihis na kulay lila. Siya ay talagang gwapo at maayos manamit.