Pagtiwalag mula sa Clan

"Ang Zhao Feng mula sa nakaraan ay wala na. Sa aking ngalan - ako si Zhao Feng, ang Left Eyed Heavenly Emperor ng Cang Ocean!" masayang sigaw ng isang boses na narinig sa langit at lupa.

Umalingawngaw ang tinig na ito sa langit at lupa hanggang sa soul-dimension. Ang lahat ng matalinong nilalang - kasama rin ang hindi mga tao - ang nasa loob ng isang libong milya ay naiintindihan ang ibig sabihin nito.

Nang marinig ang tinig, nanginig ang mga ekspertong naroon tulad ni Emperor Ling Qiong, King Lu Yun, Duke Nanfeng at si Tie Litian.

Ang boses ni Zhao Feng ay isang anunsiyo para ideklara kung sino talaga ang totoong siya. Ang orihinal "Zhao Feng" ay wala na, at kahit pa namana ni Zhao Feng ang kaniyang katawan, hindi sila parehong tao. Hindi gusto ni Zhao Feng na mamuhay sa ibang katauhan. Bukod pa rito, ang kaniyang totoong pagkatao ay malapit nang mabunyag, hindi na niya kayang itago pa ito kahit gustuhin niya.