Ang Galit ni Xiao Sun

"Payagan niyo na siya!"

Isang may malamig na boses at may mataas na mental energy ang nagpakita. Lahat nang nasa loob ng iilang yarda paikot ay napatahimik.

Naramdaman ni Zhao Feng na ang may-ari ng boses na ito ay pamilyar at nang makita niya ito, isa itong hindi gaanong katandaan na lalaki na nakasuot ng asul, ang Vice Head na nakita niya noon.

Vice Head!

Nanginig agad ang puso ng matandang lalaki sa Ascended Realm habang itinango ang kanyang ulo: "Isang pagbati Vice Head, agad ko pong ipapasa ang hamon ni Zhao Feng."

Shua!

Ang lalaking naka-asul ay tumingin lamang kay Zhao Feng nang saglit at saka umalis nang nag-iiwan ng labing-anyo habang naglaho ito sa hangin.

Agad na naunawaan ni Zhao Feng na ang mga Vice Heads ay may cultivation na malapit sa True Spirit Realm at mataas ang kanilang otoridad sa Clan.

"Zhao Feng! Sa loob ng tatlong araw, haharapin mo ang ikatlo, ikawalo, ikasiyam na substitute inner disciples. En… Bukod pa roon, kahaharapin mo rin ang hamon ni Xiao Sun."

Nagbago ang mukha ni matanda habang nagsasalita.

Nangangahulugan ito na lalaban si Zhao ng apat na beses sa isang araw, ang tatlo ay higit na mas mataas sa kanya at ang isa naman ay mas mababa. Si Hou Yuan, na nasa ikatlong pwesto at isa sa mga pinakamalalakas na outer disciples ay naroroon rin.

"Nauunawaan ko."

Tumalikod na si Zhao Feng at nagtungo sa kaliwa, iniwan niya ang tatlo na nakatulala.

Sina Nan Gongfan at Yang Qingshan ay hindi alam kung ano ang dapat sabihin, halatang nagulat talaga sila sa nakababaliw na kilos ni Zhao Feng.

Kitang-kita sa mukha ng prinsesa ang pagkagulat, matagal pa bago siya umalma at makabawi.

Teng!

Biglang nawala ang anyo ni Zhao Feng at nakabalik na ito sa sarili niyang lupain.

Hahabulin na dapat siya ni Yang Qingshan, pero pinahinto siya ni Nan Gongfan: "Sa loob ng tatlong araw, kailangan munang magpalakas ng ating kapatid na si Zhao. Mas mabuti sigurong huwag muna natin siyang istorbohin."

Walang kahit sino ang makapipigil kay Zhao Feng.

Noong gabing iyon, isang piraso ng balita ang nakapagpagulat sa kabuuhan ng mga outer disciples.

Isang tao lang naman ang naghamon ng tatlong substitute inner disciples sa isang labanan at lahat sila ay nasa loob ng top 10, ang pinakamagaling ay nasa ikatlong puwesto.

Halos lahat ng outer disciples ay nalaman ang balitang ito at karamihan sa kanila ay pinuntahan at pinagtanungan si Yang Qingshan at Nan Gongfan.

Higit silang nakaramdam ng pagkabagabag dahil sila naman talaga ang dahilan ng pangyayari.

Kay rami ng mga outer disciples na naghintay para lumipas ang tatlong araw.

Sa loob ng isang lupain.

"Ang laban ay sa tatlong araw na lang… Ako, si Xiao Sun, ay tatalunin ka at bubugbugin hanggang sa hindi ka na makalakad pa."

Humigpit ang mga kamao ni Xiao Sun at napuno siya nang pakiramdam na nais niyang makipaglaban.

Nabaling bigla ang kanyang tingin sa ikalabing-tatlong lupain, kung saan nakatira si Zhao Feng.

Bilang nasa puwesto ng ikalabing-anim, dalawang lupain lamang ang naghihiwalay sa kanila.

Madilim na gabi, sa isang pabilyon, apat na anyo ang masisilayan.

Ang isa sa kanila ay isang gwapong kabataan na nakasuot ng nilinyahang itim na pantaas, kasuotan ng mga inner disciple.

"Kapatid na Quan Chen." Magalang na wika ni Hou Yuan.

Tumayo si Quan Chen habang ang kanyang mga kamay ay nasa likod niya kasama ng isang malamig na ngiti sa mukha: "Mukhang minaliit ko nga si Zhao Feng. Paano niya nagawang pangahasin ako sa pamamagitan ng paghamon sa akin?"

"Kapatid na Quan Chen, ayos lang iyan. Hindi niya ako matatalo." Dahan-dahang wika ni Hou Yuan.

"Hahaha, ang sutil na iyon ay lalaban ng apat na beses sa isang araw at dapat muna niyang talunin si Xiao Sun, na siyang makakaubos ng lakas niya. Kapag tayo na ang kalaban niya, matatanggalan lamang siya ng balat kapag hindi siya namatay."

Kampante ang magkapatid na Hong.

Tumango si Quan Chen habang sinusuri si Hou Yuan at ang magkapati na Hong.

Parang isang itlog lamang si Zhao Feng na sinusubukang sumira ng isang bato, pero mayroon pa ring kakaibang nangyayari.

Bakit naman kakalabanin ni Zhao Feng ang tatlo kung lalaban rin niya si Xiao Sun?

Ang apat na labanan ay nasa iisang araw lang!

Hindi kaya nababaliw si Zhao Feng? Ano namang makukuha niya mula rito?

Humagip lamang sa kanilang mga puso ang mga kaisipan na ito ngunit agad ring naalis. Dahil naisip na nilang matatalo si Zhao Feng, bakit pa nila kailangang isipin ang proseso?

...

Mabilis na lumipas ang panahon at patapos ang tatlong araw. Noong mga nakaraan, walang kahit sino ang nang-istorbo kay Zhao Feng at hindi rin naman ito lumabas sa kanyang kwarto.

Iniisip ng lahat na hindi nag-aaksaya ng oras si Zhao Feng para magcultivate. Pero sa katotohanan, ginugol lahat ni Zhao Feng ang kanyang oras para intindihin ang Illusion Fish Picture at ang mga array books.

Gustong matutunan ni Zhao Feng ang pitong libro, para libre na siyang makakapasok sa Thousand Leaf Pond at mapalakas ang kanyang katawan.

Ang makapunta sa Ascended Realm. Ito talaga ang layunin ni Zhao Feng.

Para rito, kinain ni Zhao Feng ang isa sa kanyang mga ginawang Marrow Cleansing Pills. Ang Marrow Cleansing Pill ay higit na epektibo para sa lahat ng nasa Ascended Realm at talagang pinapataas nito ang lebel ng iyong kakayahan. Pero dahil ito na ang pangalawang beses na gagamit siya nito, tanging kalahati na lamang ng epekto ang makukuha niya.

Pero dahil sa kanyang misteryosong kaliwang mata, kaya niyang humigop ng higit na kapangyarihan at kahit dapat kalahati lamang ang kanyang makuha kaysa sa nauna, halos buo pa rin ang epekto ng pill gaya noong unang pagkakataon.

Pagkatapos niyang kainin ang Marrow Cleansing Pill, pinadaloy niya ang Silver Wall Technique at Returning Breath Technique at naramdaman niyang lumakas ang kanyang katawan at mga laman-loob.

Ang pagtaas ng antas ng kanyang kakayahan ay siya ring nagpataas sa pundasyon ng Silver Wall Technique ni Zhao Feng. Naramdaman niya pa ngang lalong natipon at lumakas ang kanyang inner strength.

Sa ikatlong araw, siniguro ni Zhao Feng na ang kanyang Returning Breath Technique ay nakaabot na sa pinakamataas na antas at ang dami at kalidad ng kanyang inner strength ay higit pa sa kung ano ang dapat.

Nangangahulugan ito na ang kanyang Returning Breath Technique ay nakaabot na sa max level at nahigitan pa ito nang kaunti, kung kaya ang kanyang inner strength ay kapantay ng isang normal na cultivator na nasa half-step Ascended Realm.

Ang tanging pinagsisisihan niya lang ay ang kaunting pagtaas ng antas ng Silver Wall Technique. May distansiya pa rin ito kahit nasa huling yugto na ng ikasiyam na lebel, pero nauunawaan ni Zhao Feng na dahil tumaas ang kanyang mga kakayahan, dadali rin naman para sa kanya ang magpalakas ng katawan.

Kung gayon, ang peak 9th level ng Silver Wall Technique ay walang panalag, kailangan niya pa ng halos sampung araw para magawa ito.

Para naman sa huling Marrow Cleansing Pill na meron siya, binenta ito ni Zhao Feng kapalit ng iilang mga primal crystal stones. Gumamit siya ng limang substandard primal crystal stones para bumili ng materyales na kakailanganin niya para makagawa ng dalwang Marrow Cleansing Pills na nagkakahalaga ng limang primal crystal stones bawat isa.

Sumunod na umaga.

Lumabas si Zhao Feng mula sa kanyang lupain at lumanghap ng preskong hangin habang humihikab.

Hmm?

Napagtanto ni Zhao Feng na maraming outer disciples ang nag-aabang sa labas.

"Lumabas na ba si Zhao Feng?"

"Ngayon na ang araw ng laban, hindi naman siguro siya magiging pagong at magtatago, hindi ba?"

Ang karamihan sa mga outer disciples ay gusto ang ganap na ito na para bang nalaglag ang langit.

Wala namang masyadong mahilig manood ng mga ganito pero ang pangyayaring ito ay ikinagulat ng lahat ng outer disciples.

Bilang isang tagagawa ng gulo, ang atensyon ng lahat ay na kay Zhao Feng. Sa loob ng mga nakaraang araw, naging sikat talaga ang pangalan niya.

"Kapatid na Zhao!"

Agad na pinuntahan siya ni Nan Gongfan at Yang Qingshan.

Sa simula, galit sila Yang Qingshan at Nan Gongfan dahil padalos-dalos si Zhao Feng.

"Tara na."

Ang mga mata ni Zhao Feng ay punong-puno ng talim, na siyang nagdulot para sa iba na huwag siyang tignan.

Kinabahan ang lahat kasama na sila Yang Qingshan. Sa pagkakataong iyon, tila ba parang isang ispada si Zhao Feng na kayang hiwain ang kahit ano.

Napagtanto na rin nila na wala kahit sino man lang sa kanila ang nakakita ng tunay na Zhao Feng. Noong na kay Lord Guanjun pa sila, nararamdaman nilang si Bei Moi ang higit na nakasisindak, pero alam nila kung hanggang saan at gaano kalakas ito. Hindi gaya ni Zhao Feng na nasa harap nila, napakamisteryoso, walang nakaalam kung ano ang kanyang limitasyon.

Hindi nagtagal, nagpakita na rin si Zhao Feng sa mga mata ng outer disciples at saka tumuntong sa entablado kung saan ang mga substitute disciples ay naglalaban.

Parami nang parami ang mga taong nagtitipon.

Karamihan ng naroroon ay mga outer disciples. Mula sa edad na sampu hanggang ikatatlumpu, ang mga disipulo mula sa iba't ibang gulang na nakatira rito ay naroroon, humigit kumulang, tatlong daang katao, halos kalahati ng mga bilang ng mga outer disciples.

Sinuri ni Zhao Feng ang paligid at saka nakita si Xiao Sun.

Bilang isang challenger, naunang dumating si Xiao Sun.

Sumunod, dumating na rin sila Hou Yuan at ang magkapatid na Hong.

Ang tatlong ito ay lahat nasa half-step Ascende Realm at ang kanilang mga aura ay nagpapabagabag sa lahat ng mga disipulong malapit sa kanila. Lalo na kay Hou Yuan, na nasa ikatlong puwesto, kung saan napapayuko ang lahat ng mas mababa sa kanya at umiiwas ng tingin.

Kaunti lamang ang nalalaman niya kay Hou Yuan at saka nalipat ang kanyang tingin sa magkapatid na Hong. Ang magkapatid na Hong, si Hong San at Hong Si ay kambal at talagang magkamukha sila. Pareho silang maiksi ang buhok at maskulado. Habang naglalakad sila, tumatalbog ang mga ito pero hindi pa rin nakaapekto ang kanyang mga kalamanan sa kanyang liksi.

"Ang mga laban sa araw na ito ay papangasiwaan ko."

Dahan-dahang lumabas si Deacon Qiu at naglabas ng 7th Sky of the Ascended Realm aura, na siyang nagpatanto sa mga outer disciples kung gaano talaga sila kababa sa Clan.

Hindi nagtagal, tumahimik na rin ang mga manonood.

Mayroon pa ngang iilan na mga Deacons at Vice Deacons ang siya naroroon na pinintahan ng mga interesadong mukha.

"Ang unang laban, si Xiao Sun na nasa ikalabing-anim na puwesto ay hinahamon si Zhao Feng ng ikalabing-tatlong puwesto."

Umalingawngaw sa buong lugar ang boses ni Deacon Qiu.

Teng!

Nang matapos na siyang magsalita, tila parang daloy ng apoy kung magpakita sa entablado ang anyo ni Xiao Sun.

Mahinang tumalon lamang sa hangin si Zhao Feng at saka bumaba sa may entablado.

Ang unang laban: Xiao Sun vs Zhao Feng!

Ang mga kakapasok lamang na disipulo ay higit na maligalig.

Parehong si Xiao Sun at Zhao Feng ay nakasali sa Clan sa parehong pagkakataon at si Xiao Sun ang may higit na mas nakatatataas na cultivation, samantalang si Zhao Feng naman ay sikat para sa kanyang lakas sa laban.

"Zhao Feng… Tinanggap mo ang aking hamon at mapangahas ka pang hamunin sina Hou Yuan at ang kanyang mga kasama, mukhang wala ka yatang pakialam sa akin." Bulong ni Xiao Sun sa kanyang puso.

Sa kanyang kaliwang mata, isang pulang ilaw, na puno ng intensyong makipaglaban at galit ang nakita niya. Sa ilalim ng Middle Class Mortal Skill na mula sa Blazing Sun Manual, isang mabangis na pulang aura ang kumalat sa kabuuhang entablado na siyang nagpataas ng temperatura… Para siyang diyos ng apoy.