Masayang inabuso

Malakas na umalingawngaw ang boses ng host sa lugar ng seremonya...

"Naakit ni Luo Chen ang atensyon ng lahat at lubha siyang sumikat sa debut film niya na Terrifying Dragon. Pagkatapos ng tatlong taon ng pananahimik, bumalik muli siya sa publiko sa palabas na Terrifying Dragon 2, pinakita niya muli ang kahusayan niya sa acting. Ngayon, pinakita niya sa A Life and Death Struggle, ang pagiging sundalo niya na si Shen Yue at ang kadakilaan ng pagiging isang Chinese na sundalo gamit ang kanyang mahusay na acting skills…"

"Mahusay na ginanap ni Gong Xu ang role ni Xue Shao Yang sa A Life and Death Struggle, isang matalino ay malakas na karakter na parehong kalaban at bayani. Naging mahusay ang kanyang acting skills at pinakita niya sa mga manonood na…"

Sabik na nagsalita ang host pagkatapos niyang sabihin ang kanyang recitation, "Nakakasabik ito! Hindi ko inasahan na dalawang tao pala ang mananalo sa titulong Best Actor! Ngayon, iniimbitahan ko ang dalawang winners na umakyat sa entablado!"

Agad na sinabihan ni Ye Mu Fan sila Luo Chen at Gong Xu na umakyat: "Dali na umakyat na kayo!"

"Ah, saglit! Saglit! Brother Ye, hindi mo pa ako niyayakap!" Inunat ni Gong Xu ang kanyang mga kamay.

Walang nagawa si Ye Wan Wan kundi yakapin ang isang sanggol.

Doon lamang naging masaya si Gong Xu. Niyakap niya ng mahigpit si Ye Wan Wan.

Nagbago ang buhay niya simula noong nakilala niya si Ye Bai.

Noong una, ginawa niya ito para kay Little Candied Plum. Gayunpaman, bago niya pa ito nalaman, biglang naging importante sa kanya ang taong ito...

Kahit na araw siyang managed, pinagsabihan, at binugbog sa sobrang pagod, masaya siyang mabugbog sa bawat araw na lumipas...

Ang lalaking ito… Hm?

Bakit ang lambot ng katawan ni Brother Ye?

At tsaka… ang bango niya pa...

Sa totoo lang… amoy babae siya...

"Tama na ang pagpapa-cute. Pumunta ka na doon!" Pinilit siya ni Ye Wan Wan.

"Oh…" naramdaman ni Gong Xu na umiinit ang kanyang mukha at ang puso niya ay halos sumabog sa kanyang dibdib.

Bigla niyang hinawakan ang dibdib niya.

P*ta! Yakap lang iyon! Bakit ka tumitibok ng malakas?! Bakit nagkukunwari kang malinis diyan?!

Tulirong tinitigan ni Gong Xu si Ye Wan Wan ng ilang segundo at biglang namula ang kanyang pisngi bago niya hilong sinundan si Luo Chen sa entablado.

Sa taas ng entablado, isa sa kanila ay kalmado at malumanay habang ang isa ay malaya at matigas ang ulo. Napakadakila at nakakahalina sa mata habang lumalakad sila sa ilalim ng mga matitingkad na ilaw, parang walang kadiliman ang makakasira sa kanilang kadakilaan..

Maraming mga manonood ang pinanood ang livestream ng seremonya sa kanilang mga TV at nakita nila ang eksenang ito, nakita nila ang pag-angat ng dalawang artista...

Sa abalang palabas ng Imperial City Satellite na Date with a Superstar crew:

"Director Hou! Director Hou! Panoorin mo ang nasa TV, dali!" nagmadaling pumunta ang junior assistant ng director ng palabas na si Hou Chong Liang.

Galit na hinampas ni Hou Chong Liang ang script sa kanyang kamay at galit siyang sumigaw, "Anong gusto mong ipakita sa akin?! Nakikita mo naman na abala ako sa trabaho, 'di ba? Bakit nanonood ka lang ng TV sa panahon na ito?! Ninakaw ng Hot Blooded Adventure ang artista ng Dazzling Media na si Cui Ming Qian! May na-reserba ka na bang timeslot para kay Pei Heng?"

"Hindi iyon ang gusto kong sabihin… Director Hou! Mas importante ito! Si Luo… si Luo Chen… sila Luo Chen at Gong Xu ay nanalo ng Best Actor sa Golden Orchid Award!" naghihikahos na sinabi ng junior assistant niya.

Nagulat si Hou Chong Liang. "Ano… anong sinabi mo?"

Sumigaw ang junior assistant, "Sabi ko, Best Actor! Best Actor! Dobleng Best Actor! Sila Luo Chen at Gong Xu!"

Tinitigan na parang isang mangmang na tao ni Hou Chong Liang ang kanyang junior assistant. "Niloloko mo ba ako? Si Gong Xu? Best Actor?"

Walang sino man ang makakapag dikit sa pangalang "Gong Xu" at "Best Actor."

"Talaga nga! Panoorin mo kasi ng sarili mo, Direktor!"

Pagkasabi nito ng junior assistant, nilapag niya ang kanyang phone na pinapalabas ang livestream ng Golden Orchid Awards sa harapan ni Hou Chong Liang.