Chapter Two

"Ate naman.."

Hindi alam ni Arielle kung matatawa o lalong maiiyak sa suhestyon ng kapatid. Nakakawindang kahit wala siyang balak sundin. Sisirain niya ba lalo ang sariling buhay para inisin lang ang mapapangasawa sa araw ng kasal nila?

Kung o-okay naman kasi sya, wala rin. Wala siyang boyfriend. Two years na siyang single. May manliligaw pero hindi naman din niya tipo at wala siyang balak mag alok ng one night stand sa kung sino sino.

"Suggestion lang ang akin, Arielle. Pero kung ako sa'yo don't marry that bastard. Don't worry about Troy. Magaling siyang artista at may tiwala ako sa kanya.. he'll succeed no matter what. At ang Papa ninyo, just let him die. Hindi siya ang para na ring inilibing sa lupa oras na maikasal ka sa Busty na 'yan. Ikaw.."

Napapikit si Arielle kasabay ng ngiwi. Pero may punto man si Zeny, hindi niya pa rin susundin. Alam niyang gusto lang pagaanin ni Zeny ang nararamdaman niya. Zeny may be a rebel to their parents pero Ateng - Ate naman ito sa kanila ni Troy.

"I'm sorry, Arielle." Narinig niyang sabi nito. Nasa tinig ang guilt. "Naiinis kasi ako sa mga desisyon ni Tito Lucio eh. Bakit pati tayo apektado sa buhay artista ni Troy? I mean, this is our lives. Di numero din ba dapat ang kilos natin kagaya ng dapat na ikinikilos ni Troy?"

Exactly her thoughts. Pabuntong hiningang ibinalik ni Arielle sa bag ang cellphone nang magpaalam na si Zeny. May isang oras pa siyang nanatili sa bar na iyon nang muling tumunog ang cellphone niya.

Si Cecille.

"Bestie.." bati niya.

"I'm sorry, Best hindi na kita nasamahan dyan.." sabi nito sa kanya. Nasa boses ang guilt.

"No, Bestie it's okay. Ano ka ba. Araw ng kasal mo."

"I know you need someone to talk to dahil sa nangyayari ngayon at nagi guilty ako na hindi kita madamayan."

"Don't worry about me, Bestie. Nariyan ang Ate Zeny para paglubagin ang loob ko. And I am okay."

Narinig niya ang buntong hininga nito sa kabilang linya. "Anong oras ang flight mo bukas?"

"I won't tell you. Alam kong i-insist mong ihatid ako. But really, Bestie... kaya ko pong makarating sa airport. One taxi away lang iyon mula dito."

Nagpaalam na rin siya sa kaibigan. Ayaw niyang mang istorbo, honeymoon ng newly weds pero iniisip pa rin siya ni Cecille. Kagaya ng huling payo ng Ate Zeny niya, tumututol din ito sa pagpapakasal niya kay Busty.

Ang kaibigan kasi ang madalas niyang pagkwentuhan noon tungkol sa mga explicits na lumalabas sa bibig ni Troy kapag naiiwan siyang mag isa kasama ito. Kagaya na lang kahapon. Dumalaw ang lalaki sa bahay nila at dahil Sunday at wala siyang duty, inabutan siya roon ni Busty.

May dala itong chocolates at bouquet ng bulaklak na napilitan siyang tanggapin dahil kaharap nila ang Papa niya. Asiwang asiwa si Arielle at ngali ngali siyang ipagtabuyan ito palabas.

Nakahinga na sana siya ng maluwang nang sa wakas ay magpaalam ang hudyo. Wala siyang nagawa nang yakapin siya nito at halikan. Nagawa niyang iiwas ang mukha kaya sa pisngi niya lumanding ang nguso nito.

'Five days and four nights, sweetie. I'm excited.' Bulong nito sa kanya. Naramdaman niya pa ang paghagod ng dila nito sa may tainga niya.

Nagpigil siya na huwag sapukin ang bastos na lalaki pero sa mga sandaling iyon gusto niyang hilingin na sana ay tamaan ito ng kidlat para tumimbuwang na lang ito sa harap niya. Hindi siya maaawa mangisay man muna ito bago malagutan ng hininga.

Mapait siyang napailing. Hindi nakinig ang langit sa kanya. Hindi tinamaan ng kidlat ang tinamaan ng magaling.

Huminga siya nang malalim. Nagulat pa si Arielle nang makaramdam siya ng pag ikot ng paningin nang umahon siya sa kinauupuan.

"Maam kaya n'yo pa ho ba?" Tanong ng waiter na napansin ang pagbuway niya.

"Yes. Thank you." anas niya dito bago pinilit maglakad ng tuwid palabas ng bar. Tinungo niya ang elevator at hinintay iyong magbukas habang hinihilot ang sariling sintido.

Hindi naman kasi siya talaga sanay uminom. Mas tanggera talaga si Ate Zeny sa kanilang magkakapatid. Pero maswerte ang Ate niya, nagagawa kasi nitong hindi sumunod sa utos ng Papa nila. She can do whatever she wants. Walang iniintindi kahit puro sermon ang inaabot nito kina Martha at Lucio.

Andaming maswerteng babae sa mundo. Kagaya na lang ni Cecille. Ito ang pumili ng lalaking mamahalin nito. And she just married the man she truly loves. Nakakainggit.

Pumasok siya sa loob ng elevator nang magbukas iyon. Pumwesto siya sa sulok ng lift at niyakap ang sarili. Walang pakialam kahit nag iisa lang siyang tao sa loob niyon.

Kung hindi lang dahil kay Troy at dahil sa kalusugan ng Ama niya, hinding hindi niya pakakasalan ni sa panaginip ang Busty na iyon. Pero may magagawa ba siya?

She felt hopeless and miserable. Natatakot siya sa magiging buhay niya kasama si Busty. Kinikilabutan siya isipin niya pa lang na makakatabi niya gabi gabi sa iisang kama ang lalaki. Hindi niya kakayanin.

Huminto ang elevator sa 3rd floor. Sa sulok ng mga mata niya, napansin niya ang pagpasok ng isang matangkad na lalaki sa loob. Narinig niya rin ang tunog ng pindutin nito ang button ng floor na pupuntahan nito. Kahit dalawa lang sila sa loob, pakiramdam ni Arielle sumikip bigla sa loob ng elevator dahil sa presensya nito. Pero hindi nya iyon gustong pagtuunan ng pansin. Nanatili siya sa pagkakayuko, nakatuon ang tingin sa sariling mga paa.

Nag angat lang sya ng paningin nang marinig niya ang tikhim ng lalaking kasabay niya. Noon niya napansing nakabukas na ang pinto ng lift at pigil pigil iyon ng lalaking magsara. Wala sa loob na humakbang siya palabas na ikinakunot ng noo ng lalaki.

"Ito na yung huling floor, Miss. Where exactly is your room?" Tanong nito sa kanya na humakbang din palabas ng elevator.

Natigilan naman si Arielle. Iniikot ang paningin sa paligid. Natutop ang noo niya. Nasa top floor na sila. Ang presedential suite lang ang alam nyang tanging suite sa top floor ng hotel na iyon na malamang ay ang may ari ng hotel ang umuukopa.

"Miss?" Untag ng lalaki. Lumipad sa mukha nito ang mga mata nya.

He was the most gorgeous man she had ever laid her eyes on, Arielle thought. Walang sinabi ang nangungusap na mga mata at matangos na ilong ni Theo James, well actually may hawig ito sa Hollywood Actor.

But the man's sexy and sensual lips was a turn on. He was short haired, matangkad at may mga pinong balbas sa paligid ng mukha, dumagdag iyon sa karisma nito.

He was wearing a white long sleeve polo. Nakalilis iyon hanggang siko kaya litaw ang balbunin nitong mga braso. Hindi sya mahilig sa lalaking medyo mapusyaw ang kulay dahil moreno ang type niya pero dios mio, parang isa sa mga Dioses sa Olympus ang lalaking nakatitig sa kanya ngayon.

"S-sa 5th floor pa ako dapat bumaba. Pasensya ka na, naligaw ka din ba dahil sa akin?" Tanong niya para itago ang pagkailang. Sinulyapan niya ang elevator na tuluyan ng nagsara.

Hindi ito sumagot. Pinindot nito ang down button ng elevator para sa kanya.

"Thank you." Anas niya. Napahawak siya sa sariling sintido at hinilot hilot iyon.

"Are you alright?" Tanong ng lalaki, ewan niya kung tenderness ba talaga ang nasa tinig nito o nag iilusyon lang siya.

Tumango si Arielle. Nag iwas ng tingin. Kahit pakiramdam niya gusto niyang titigan pa ng husto ang lalaki?

"Just a little bit drunk, but yes.. I'm alright." sagot niya.

"Broken heart hurts." Anito na muling nagpaangat ng tingin niya dito.

"E-excuse me?"

"Usually, iyan ang rason kung bakit umiinom ang isang babae... Na ka edad mo."

"Kung magsalita ka, parang ang tanda mo na." Tawa niya. Wait, was she really talking to a stranger? To think na dadalawa lang sila sa floor na iyon?

"A lot older than you." Tugon nito na sinulyapan siya. Nag iwas siya ulit ng tingin. Parang natutunaw siya kapag nagsasalubong ang mga titig nila.

Nakaramdam sya ng panghihinayang nang magbukas na ang elevator. Atubili siyang pumasok. Call her stupid pero gusto niya pang manatili na lang sa top floor at kausapin ang lalaki kasehodang tubuan siya ng ugat sa tagal ng pagkakatayo niya sa harap ng lift.

Ipinilig ni Arielle ang ulo. Anong bang nangyayari sa kanya? Epekto kaya 'yon ng nainom niya?

"Good night.."

Tinanguan siya ng lalaki. Hindi ito umalis sa tapat ng elevator hanggang hindi tuluyang nagsasara ang pinto niyon.

Dumapa si Arielle sa kama pagkapasok na pagkapasok niya sa loob ng suite. Sino kaya ang lalaki sa top floor? Ito kaya ang may ari o anak o kamag anak kaya ito ng may ari ng hotel? Hindi ito sumabay sa pagbaba niya kanina, ibig sabihin sa Top Floor talaga ang punta nito.

Nasa ganun siyang ayos nang tumunog ang cell phone niya. Si Busty ang nagtext, nagtatanong kung nasaan siya and that he misses her so much.

Pinatay niya ang cellphone. Bakit sa dinami dami ng babae sa mundo sa kanya pa iginigiit ni Busty ang sarili? He may be sexually attracted to her pero sapat na ba 'yon para pakasalan sya? He never said he loves her. Just that he wants to make her his wife at makasiping siya sa kama. Ganoon kababaw. At kahalay.

Ipinikit ni Arielle ng mariin ang mga mata. Kung sundin niya kaya ang payo ni Ate Zeny sa kanya? Ibigay niya kaya ang sarili sa ibang lalaki bago pa man siya ikasal kay Busty?

It was absurd. Sinong lalaki ang kukumbinsihin niyang makipagsex sa kanya? No strings attached.

Isang kaibigan? Para maging awkward pagkatapos? Manliligaw na hindi nya naman mahal? Pagkatapos ay maghahabol sa kanya para higit na maging komplikado ang lahat? Pero mas okay na rin yon, para naman may maituturo siyang boyfriend sa Papa niya at nang hindi na nito ipilit na pakasalan niya si Busty.

Bakit hindi siya maghire ng lalaking magpapanggap na boyfriend o lover niya kaya? Pero sino? At bebenta naman kaya 'yon sa Papa niya gayong alam nitong wala siyang boyfriend matapos ang split niya two years ago kay Enrique De Jesus?

And then she thought of the gorgeous man from the elevator. The man looks decent. Papayag kaya itong magpanggap na boyfriend niya o sa one night stand kung sakali?

Masakit daw talaga pag una pero at least, gusto niya kahit papaano ang lalaking makakauna sa kanya. Natigilan siya. Naupo siya sa ibabaw ng kama at sinapo ang sariling mukha. Was she really thinking of giving up her virginity to a total stranger? And did she just say she likes him? Agad agad?

Four days. She will be marrying Busty in four days time.

"Men are beasts pagdating sa sex." Naalala nyang sabi ni Ate Zeny. Paano na lang si Busty? Halimaw na ito para sa kanya hindi pa man sya nito nahahawakan. And she's scared. Natatakot syang ibigay ang sarili sa isang tulad ni Busty.

She tightly closed her eyes and took a deep sigh. She grabbed her phone and went out of her suite. Kinakabahang tinungo nya ang elevator at sumakay nang magbukas iyon.

Naisip nya, paano kung may binisita lang sa top floor ang lalaki? Ang asawa nito o kaya naman ay ang girlfriend nito? Paano kung hindi nya na ito maabutan roon? At paano kung tanggihan siya nito? Kakayanin nya ba ang rejection?

Ipinilig nya ang ulo. Wala syang masyadong choice. Mas maigi ng sa isang estranghero nya ibigay ang sarili. No strings attached at least. Bahala na si Batman.

Humugot ulit siya nang malalim na buntong hininga ng nasa harap na sya ng pinto ng presidential suite. Pinatatag niya ang ekspresyon sa mukha kahit ang totoo ay halos mabingi na siya sa tibok ng puso niya.

Pinagbawalan ni Arielle ang mga mata na kumurap nang bumukas na ang pinto ng suite at iniluwa roon ang lalaki sa elevator. He was naked from the waist up, litaw ang abs, ang malapad na balikat at ang muscled chest.

He was a certified hottie despite the blue and white cotton pyjama trousers. Tumutulo pa ang tubig mula sa itim na itim nitong buhok, mukhang katatapos lang magshower.

Lumipad ang tingin niya sa mukha nito nang tumikhim ang lalaki. "Naliligaw ka na naman ba? Naiwala mo ang keycard mo?"

Nag alis siya ng bara sa lalamunan niyang biglang nanuyo. Wala sa loob na hinawi ang ilang hibla ng buhok na napunta sa mukha niya kasabay ng pagkagat sa pang ibabang labi niya.

His eyebrows furrowed. Natutok roon ang mga mata ng lalaki.

"I was.. I was just.." maingay siyang bumuntong hininga. Pakiramdam niya gumagapang na sa mukha niya ang lahat ng dugo sa katawan dahil sa kahihiyan hindi pa man niya nasasabi dito ang sadya.

Kumunot naman lalo ang noo ng lalaking naghihintay sa sasabihin niya.

"I-I want to have sex with you, Mister." Mabilis at malakas nyang sabi bago pa umeksena ang matinong parte ng isip nya.

Nakita nya ang pag angat ng kilay ng lalaki, ang pagtuwid nito sa pagkakatayo, dumbfounded. At pagkatapos ay gumuhit ang isang amused na ngiti sa mga labi nito.. at hindi napigilang magsommersault ng puso ni Arielle lalo.