“Together, forever”

Chapter 50. "Together, forever"

Ethina's POV

            Pitong buwan na ang nakaraan. Malaki na rin ang tiyan ko at ramdam ko ng malapit na akong manganak. Minamanas na ako at hindi na sexy, nakakainis dahil inaasar pa ako ni Jenina, ang dambuhala ko na raw, pero ayos lang dahil dala-dala ko naman si Baby Sanjun.

            Oo, nagbunga ang pagdarasal ni Sanjun, lalaki ang magiging anak ko. At napagusapan namin, ay mali pala, dahil sabi niya Sanjun Jr. daw ang magiging pangalan nito. Nakakainis nga eh dahil gusto ko talaga babae, para naman kamukha ko. Naku naku, kung magiging kamukha ni Sanjun 'tong si Baby dalawa na ang may masungit na mukha sa bahay.

            "Jenina, sumisipa na naman si Baby Sanjun." Ani ko kay Jenina, galing kaming park at naglakad-lakad lang.

            "Ano ka ba, malay mo magiging player ng taekwando yang anak mo kaya sipa ng sipa." Aniya. Huminga naman ako ng malalim. Ang bilis ko ring mapagod.