Launch Date

Samantala, si Tanaga ay hindi makaantay na mag landing ang eroplano. Pagkasabi na pagkasabi ng stewardess na bukas na ang pintuan, wala ng antay antay pa si Tanaga na tingnan ng kanyang bodyguard kung safe ba?

Dahil si Sato ay assistant na ni Ashley, walang kasama si Tanaga kahit man lang sekretarya. Apat na bodyguard lang at ang kanyang sarili. Kaya isang sasakyan lang ang kanilang ginamit.

Pagkasakay na pagkasay ni Tanaga sa loob ng sasakyan, tinawagan niya kaagad si Sato at tinanong kung nandoon na si Ashley.

"Eh,-eh-eh, opo!" Iyon lang ang naisagot ni Sato dahil nasa harapan niya si Ashley.

"Good, magpa reserve ka ng restaurant para sa launch namin mamaya. Alam ba niya na paparating ako?" Tanong ni Tanaga habang seryosong seryoso ang boses nito.

"Eh-eh-eh, opo!" Pa rin ang sagot ni Sato habang nakatingin ito kay Ashley na nanlalaki ang mata at sumisenyas kung si Tanaga ba ang kausap niya?