Ang Paglaban ni Qin Chu (8)

"Kapag gumraduate na si Zhixin, gusto kong tulungan niya ako sa GK," hinimas-himas ni Qin Chu ang magandang buhok ni Huo Mian at sinabi ito.

"Yun pala ang gusto mong pag-usapan..."

"Kinausap ko na siya tungkol dito, pero natatakot siya na hindi ka papayag kaya gusto kong pag-usapan muna natin ito at papakinggan ko kung ano ang iniisip mo."

"Mabuti kung kaya ka niya tulungan at ang GK ay isang malaking kumpanya na may magagandang posibilidad para sa kanya at magagawa niya rin ang bagay kung saan siya magaling, pero… nag-aalala ako."

"Nag-aalala saan?" Tanong ni Qin Chu nung nakita niya ang pag-aalinlangan ni Huo Mian.

"Natatakot ako na baka magsalita ang iba at sabihin na nakapasok lang siya dahil sa koneksyon ng pamilya. Ang mga chismis na ganun ay makakasakit sayo at pati na rin sa kanya."