Ang Desisyon ni Xu Jiamu (28)

"Iba?" Mainit ngayon ang pangalan ni Qiao Anhao sa social media kaya

sinamantala na rin ng host ang pagkakataon na buksan ang usapan, "Si Mr. Xu

Jiamu ba ang tinutukoy mo, Mr. Lu?"

"Oo." Walang pagsisinungaling na sagot ni Lu Jinnian.

"Medyo sensitibo ang topic na 'to, kaya naniniwala ako na hindi ito ganun

kadaling." Sa pagkakataong ito, ang host na kanina'y kilig na kilig ay biglang

naging seryoso. "Mr. Lu, siguro naman nakita mo na ang mga picture na

kumakalat ngayon sa social media. Isa pa, sayo na rin mismo nanggaling na

naging engaged talaga sina Miss Qiao at Mr. Xu, so… Pasensya ka na Mr. Lu

kung didire-diretsuhin ko na…Totoo bang ikaw ang dahilan ng pagdidivorce

nina Mr. Xu at Miss Qiao?"

Siguro dahil naka live sila ngayon kaya di hamak na mas prangka ang

pagtatanong ng host kumpara sa mga reporters, na sumugod sa Mian Xiu

Garden, na ang dami pang paligoy-ligoy. At dahil beterano na siya sa

kalakarang ito, alam na alam niya kung paano manghuli ng mga artista.

Pero walang pinagkaiba ang tanong nito sa malaking tanong ng lahat…'totoo

ba na nagkaroon ng kalaguyo si Qiao Anhao habang kasal ito?' at 'si Lu

Jinnian ba talaga ang naging dahilan kung bakit nito hiniwalayan si Xu

Jiamu?'

Kahit na naging tuso ang host at nakahanap ito ng butas para mang'usisa,

alam ni Lu Jinnian kung paano ito paikutin, kaya nanatili siyang kalmado, na

para bang hindi si Qiao Anhao ang pinaguusapan nila. Maging ang tono ng

boses niya ay parehong-pareho noong nagkwekwento siya ng mga plano ng

Huan Ying Entertainment. "Mukhang naniniwala naman ang lahat sa mga

picture na kumakalat online, sa tingin mo ba kailangan ko pa tong sagutin?"

Hindi inaasahan ng host ang magiging sagot ni Lu Jinnian, kaya ilang sandali

rin siyang nawala sa gusto niyang sabihin, bago siya muling ngumiti at

magpatuloy, "Mr. Lu, ibig bang sabihin nito, mali ang iniisip ng lahat?"

Pero kagaya ng inaasahan, kabisadong kabisado ni Lu Jinnian kung paano

siya gagalaw kaya imbes na sagutin ng direkta ang tanong ng host ay sinagot

niya ito ng isa pang tanong, "Kung tatanggi ba ako, maniniwala ka ba sa

akin?"

CHECKMATE! Sa pagkakataong ito, hindi na alam ng host kung paano siya

sasagot.

Huminga ng malalim si Lu Jinnian at nagpatuloy, "Kapag mahal na mahal ng

isang lalaki ang isang babae, naniniwala ako na hindi siya gagawa ng paraan

para sirain ang reputasyon nito.

"Kung talagang gusto ko siyang agawin, dapat ginawa ko na 'yun five years

ago noong engage palang sila kasi kung ako lang, ayokong hayaan yung

sarili ko na makita yung babaeng pinaka mamahal ko na makasal sa iba kaya

bakit kailangan ko pang magtiis ng limang taon?

"Mula noon, gusto ko lang naman siyang makitang masaya at kahit kailan

hindi ako umasa na mapapangasawa ko siya.

"Pero siyempre, kahit anong paliwanag ko, alam ko namang marami pa ring

hindi maniniwala sa akin. Isa pa, wala akong ebidensya at oo, totoo ang mga

picture na kumakalat sa internet.

"Alam ko rin na wala namang magbabago kung sabihin ko man ang totoo o

hindi. Wala akong planong kunin ang simpatya ng mga tao, at ginagawa ko

lang ito para marinig niya ang panig ko.

"Kasi gusto kong malaman niya na kahit talikuran na siya ng lahat, nandito

lang ako sa tabi niya at hindi ako natatakot na kalabanin ang buong mundo

para sakanya."

Habang nagsasalita si Lu Jinnian, hinayaan lang siya ng host na ilabas ang

lahat ng gusto niyang sabihin.

Malinaw na nalihis na ang topic ng interview, pero wala ni isa sa mga crew

ang gustong kumontra.

Biglang nanahimik si Lu Jinnian ng ilang sandali bago siya magpatuloy.

Walang pinagbago ang boses niya, pero sa pagkakataong ito, ramdam na

ramdam ang emosyon sa bawat salitang binitawan niya, "Qiao Qiao, kahit

laitin ka pa ng lahat…kahit pa gaano karaming kasinungalingan ang ikalat nila

tungkol sayo, para sa akin, ikaw pa rin ang prinsesa ko.

"Patawarin mo ako kung ikaw yung sinasaktan nila, pero nangangako ako na

gagawin ko ang lahat para protektahan ka."