Labintatlong taon kitang minahal (9)

Miyerkules na ng umaga noong maalala ni Qiao Anhao na Valentines day nga

pala noong araw na 'yun.

Dati, hindi ginigising ni Lu Jinnian si Qiao Anhao sa tuwing papasok siya sa

trabaho. Pero ngayon, dahil miyerkules na ng umaga, bago siya bumangon sa

kama, hinalikan niya muna ito ng hinalikan hanggang sa magising ito. Lumapit

siya sa tenga nito at binulungan, "Qiao Qiao, wag mong kakalimutan na may

date tayo mamayang gabi."

Dahil kulang pa sa tulog si Qiao Anhao, humikab siya at habang bahagyang

nakamulat ang kanyang mga mata, tumungo siya at sinabi, "Alam ko."

"Tandaan mo na mamayang 6:30, may susundo sayo," Dagdagan ni Lu Jinnian

na nasundan pa ng paulit ulit na paalala kung gaano kahalaga ang lakad nila

mamaya.

Sa pagkakataong ito, hindi na nagsalita si Qiao Anhao. Tumungo lang siya at

nagpalit ng posisyon sa pagbabakasakaling makabalik pa siya ng tulog. Noong

sandaling iyon, muli nanamang nagsalita si Lu Jinnian, "Qiao Qiao, papasok na

ako, wag mong kakalimutan ang dinner."

Pagkatapos niyang ma'torture' ni Lu Jinnian sa buong magdamag, sobrang

napagod at inaantok talaga si Qiao Anhao. Dahil paulit uilit si Lu Jinnian,

medyo nairita siya kaya kinuha siya ang unan at binato ng malakas kay Lu

Jinnian kaya bigla itong napatigil sa pagsasalita.

Pagkatapos maghanda ni Lu Jinnian sa pagpasok sa trabaho, muli siyang

bumalik sa kwarto. Habang nakatingin sa kama, muli nanaman siyang

nagsalita, "Qiao Qiao, papasok na ako. Wag mong kakalimutan…"

May isa nanamang unan na lumilipad papalapit sakanya. Sinalo niya ito at

hinagis sa sofa. Hindi na siya nagsalita, lumabas nalang siya ng kwarto at

dahan-dahang isinara ang pintuan.

Biglang nabalot ng katahimikan ang buong kwarto. Hindi na makatulog si Qiao

Anhao kaya hinawi niya ang kumot at uumupo sa kama. Nakasanayan niya ng

kunin ang kanyang phone para silipin ang oras pero noong oras na 'yun, sakto

ring nagtext si Lu Jinnian. [Qiao Qiao, may dinner tayo mamaya]

Naiinis na si Qiao Anhao sa paulit ulit na paalala ni Lu Jinnian. Gusto niya

sanang basagin ang kanyang phone hanggang bandang huli, nagtalukbong

nalang siya ng kumot sa sobrang pagkairita.

Ano bang meron sa araw na 'to? Bakit ba pauli ulit si Lu Jinnian sa

pagpapaalala ng tungkol sa dinner?

Muli niyang kinuha ang kanyang phone para silipin ang kalendaryo. Wala

naman siyang nakitang kahit anong espesyal na okasyon kaya sinilip niya ang

Chinese calendar at doon niya lang naalala na July 7 nga pala ngayon! Ngayon

ang Chinese Valentines day!

Valentines day.... 

Paulit ulit na sinabi ni Qiao Anhao sakanyang isipan ang mga salitang

'Valentine's day' bago niya maproseso kung ano bang ibig sabihin ng araw na

ito.

Niyaya siya ni Lu Jinnian na magdinner sa Valoentines day…Iniimbitahan ba

siya nito na magcelebrate ng Valentines day? Pero ang araw na ito ay para sa

mga nagmamahalan lang…Ibig bang sabihin nito ay mapropromote na siya

bilang girlfriend?

Dahil hindi na siya makatulog, nagmamadali siyang pumunta sa kalapit na mall

para makapagpafacial at magpaayos ng buhok. Hindi pa siya nakuntento kaya

nagmakeup din siya sa isang propesyunal.

Pagkalabas niya ng beauty salon, napansin niya na napapalibutan ang mall ng

napakaraming advertisement patungkol sa Valentines day.