Takot Na Maging Dahilan Ng Isang Gulo (2)

Nagusap pa ng kaunti sina Qiao Anhao at si producer Sun. Kinuha nito ang kanyang contact number para kung sakaling may produksyon itong gagawin na nababagay sa kanya sa hinaharap.

Hindi nagduda si Qiao Anhao ng binigay niya ito.

Tinabi ni producer Sun ang kanyang telepono matapos magpalitan sila ng numero. "Sige, Mauna na ko Xiao Qiao at may gagawin pa ko"

Binukasan ni Qiao Anhao ang pinto ng kotse para kay producer Sun. Nang nasa loob na ito ng kotse ay sinara niya ang pintuan at nagpaalam "Paalam Mr. Sun."

Nagpaalam si producer Sun at tuluyang umalis.

Malayo na ang kotse ay nakangiti parin si Qiao Anhao saka lang niya napansin na hindi pa nakabalik si Zhao Meng. kinuha niya ang telepono at tinawagan ito ngunit kahit tumingin siya sa kanyang paligid hindi niya ito makita. 

Patawag na siya sa telepono ng makita niya na papalapit sa kanya si Lu Jinnian kaya hindi niya naiwasan na hindi yumuko. 

Akala niya ay hindi siya nito papansinin at dadaan lang siya. Ngunit, iba ang nangyari tumigil ito sa kanyang harapan.

Bumilis ang tibok ng kanyang puso habang nababahalang nakatingin kay Lu Jinnian.

Mahinahon lang ito at nakatingin lang sa kanyang telepono ng walang anumang emosyon.

Sanay na si Qiao Anhao sa gantong paguugali ni Lu Jinnian pero ang hindi niya maintindihan ay kung bakit ito mariing nakatingin sa kanyang telepono.

Nakatingin si Lu Jinnian sa teleponong hawak ni Qiao Anhao dahil dito humigpit ang hawak ni Qiao Anhao sa kanyang telepono kaya naman nagsalita siya para hindi siya mahiya.

"Err, Salamat sa tulong mo kanina."

Masaya si Qiao Anhao ng tinulungan siya ni Lu Jinnian sa kanyang sitwasyon kanina. Pakiramdam niya ay parang namukadkad ang kanyang puso sa tuwa. Kahit isang oras na ang lumipas. Nabubuhayan ang kanyang puso sa tuwing naalala niya ito.

Tinulungan siya nito, ibig sabihin ba nito ay hindi siya ganong kinamumuhian nito?

Lumipat ang tingin ni Lu Jinnian kay Qiao Anhao ng marinig ang sinabi nito.

Nagmukhang masiyahin at mabait si Qiao Anhao nang mailawan ng street lights ang kanyang malaporselanang balat.