Ang Numero Unong Ninja

November 22, Glory Professional Alliance Season 10, Round 12. Kakaharapin ng Team Happy sa yugto ng mga labanan na ito ang Misty Rain. Syempre, pinili na naman ng mga taga-midya na ipalabas ang labanan ng Team Happy sa lahat.

Pagkatapos ng labin-isang labanan ay itinuturing pa rin ng lahat na isang malaking biro ang ginawang pangangako ng Happy sa lahat na susungkitin nila ang Kampeonato sa season na ito.

Pero sa kasalukuyang ranggo ng Happy sa pagitan ng ibang mga Team sa Alliance ay makikita mo naman na mayroon silang potensyal na makaakyat sa playoffs. Idagdag pa na ang ipinakita nilang lakas sa mga nagdaan nilang tatlong yugto ng mga labanan ay lumampas sa lakas na ipinakita ng Samsara.

Madali lang sabihin para sa kahit na sino na talagang may potensyal sila na makapasok sa playoffs, kapag naipagpatuloy lang nila ang lahat ng ito.