Ang Innate Spiritual Root ni Ke’er

Tila ba hindi napapansin ni Weng Zheng ang pagmamadali ni Pei Si Hai. Umiling muna siya bago niya tinupad ang kahilingan ni Pei Si Hai habang nakangiti. "Sige na!"

Weng!

Isang nakakabinging tunog ng saber ang umalingawngaw sa paligid nang kumilos si Pei Si Hai. Ang kaniyang katawan ay sumabay sa paggalaw ng kaniyang saber na parang isang multo.

Sa kabilang banda, si Weng Zheng ay kumilos din, subalit wala siyang hawak na kahit anong sandata. Tila ba lalabanan niya si Pei Si Hai gamit lamang ang mga kamao niya.

Bang!

Ang mga kamao ni Weng Zheng ay parang dalawang kanyon. Napakabilis at napakalakas nito. Ang bigat ng pagsuntok niya ay tila ba nagdulot ng pagyanig sa paligid.

Weng! Weng! Weng! Weng! Weng!