Is Your Wife Pregnant?

Chapter 1050: Buntis Ba Ang Asawa Mo?

Dahil sa magdamag niya itong yakap, hindi niya namalayan na nagkukulay rosas na ang pisngi nito. Para bang may mali at nang hawakan niya ang noo nito ay mainit!

Nilalagnat si Ning Xi!

Tumayo si Lu Tingxiao at agad na tinawagan si Qin Mufeng.

Paglipas ng isang oras, dumating si Qin Mufeng na may dalang maleta.

"Pare… minamanmanan mo ba ako? Pagkabalik na pagkabalik ko tinatawagan mo ko!"

Pumunta sa ibang bansa si Qin Mufeng para sa isang academic conference at kabababa lang ng eroplano nito nang tawagan siya ni Lu Tingxiao.

Gayunpaman, masaya siyang tumawag si Lu Tingxiao. Magmula noong dumating si Ning Xi, naging malusog na ang mag-ama. Sa katunayan, para bang nakoonsensiya siya nang walang siyang ginagawa.

"Ano bang nangyari at bigla kang napatawag?" Tanong ni Qin Mufeng.

"Lagnat," sabi ni Lu Tingxiao.