Chapter 17

CHAPTER 17

--ALEX:

"Hey Azhrect, I'm glad you're here." Nakangiting pagsalubong sa'kin ni Todz, ang gang leader ng Exotic Phoenix.

"Blackmailer." Cold na sabi ko.

Totoo naman talaga, kung hindi lang nila alam ang tungkol sa identity ko, malamang kasama ko si bebs na kumakain ng niluto niyang american dish ngayon. >_<

"Oh easy there, you're so hot—I mean cold haha."

"Pakyu sagad." Sabay alis ko sa harap niya.

'Di pa ako nakakalayo nang nagsalita ulit siya.

"Be ready Azh (short term for Azhrect), cause our enemy has a sub member too."

"K." Maikling sagot ko.

Dito sa part ng Palawan na hindi ko alam kung ano'ng tawag magaganap ang fight.

Ngayon lang kasi ako nakapunta sa Palawan kaya hindi ako gan'on kafamiliar sa lugar na 'to.

Hindi naman kasi ako pala-labas na tao, kumbaga taong bahay pwera na lang kung tinotopak ako then I'll go wherever I want.

Pa'no ako hindi naligaw sa Palawan? Simple lang, si Sid, na member din ng gang, ang nagpadala ng map papuntang hideout nila.

Ang laban pala ay gaganapin sa loob ng tatlong araw, kumbaga may 3 rounds and bawat araw ay may isang round na gaganapin. Kung sino ang manalo ng two times ay siyang panalo sa laban.

Ang premyo? Tig-iisang new model ng pinakamahal na kotse sa bawat member ng nanalong gang.

Sayang nga lang eh, hindi kasama ang sub member na mabibigyan ng premyo na gaya ng member ng gang na nanalo.

Isang bagay na hindi lalampas sa limang kilo ang price ng sub member kaya no choice ako kaya puro mask ang hinihingi kong premyo pero bawi naman kasi yung mga mask na binibigay nila sa'kin ay worth a million pesos naman kaya bawing bawi ako haha.

Actually meron na akong mga 45 mahigit na mask na collection ko, meaning 45 fights na ang naipanalo ng gang na sinamahan ko sa tulong ko siyempre.

Nakamaskara akong pumunta dito malamang kasi nga 'diba walang nakakaalam sa identity ko pwera lang ang Exotic Phoenix as I have said before.

Nakashades lang ako habang nasa byahe malamang baka pagkamalan pa akong pupunta sa costume party ng mga people kapag nakamask ako.

Ang makakalaban pala namin ay isa rin na magaling na gang pero dito sa Pilipnas nga lang. Halo-halo ang lahi nila hindi gaya ng Exotic na American at Filipino lang ang lahi ng mga members.

Nalaman ko rin na ang sub member ng kabilang gang ay magaling rin makipaglaban and tago rin ang identity niya kagaya ko.

Gaya-gaya tssss. -_-

Godyr pala ang name ng sub member nila and lalaki daw ito and like me, wala din siyang sinasalihan na gang and nagsu-sub daw ito sa part ng Korea at small amount lang daw ang binabayad sa kanya para sa serbisyo niya sabi ni Todz kanina.

Eh paki ko naman kung anong pangalan at kung anong pinaggagawa niya sa buhay niya tsk.

Malalaman nalang natin mamaya kung malakas talaga ang Godyr na yan sa laban.

After few hours, pumunta na kami sa place kung saan gaganapin ang laban.

Nakita ko na rin ang mga members ng kabilang gang at ang masasabi ko lang ay 'wow'.

Ang popogi kasi ng mga members nila, para silang hindi gangster, wala rin silang mga tattoo sa katawan 'di kagaya ng mga members ng Exotic na may mga tattoo pero hindi gano'n kadami at gwapo rin naman din sila.

Ang aamo din naman ang mga mukha nila kaya dagdag pogi points pwera lang yung isa na nakamaskara na nakaagaw talaga ng atensyon ko, nakamask ito na hanggang ilong lang na gaya sa'kin at nakangisi ito.

Halatadong maangas.

Nagsimula na ang round 1 ng laban at dahil sub lang ako, sa last minute na ako sasabak sa laban.

Nakaupo lang ako sa isang sofa ng mansyon na pinagdadausan ng laban.

Yeah kung sa ibang gang, maglalaban sila sa isang abandonadong lugar or creepy na place, pero sa'min, naks, sosyalin kasi sa mansyon magaganap.

Iba talaga kapag mayaman ka, ang daling magwaldas ng pera at palaging sosyalin tsk.

Napukaw ulit ng paningin ko si Godyr na parang nakatingin sa gawi ko, tinignan ko ang likod ko and wala naman tao so it means na ako ang tinitignan niya.

Alam niyo yung tingin na napakaseryoso? Yung kikilabutan ka? Gano'n yung tingin niya sa'kin, pero 'di ako kinilabutan, ako pa? Sila pa nga dapat kilabutan sa tingin ko eh.

It looks like tinititigan niya mabuti ang mga mata ko.

Gusto niya ng titigan huh? Sige pagbibigyan ko siya.

Tinitigan ko din siya, so bale, eyes to eyes kami.

Nagulat na lang ako nang makita ko ang mata niya na nagkulay maroon kaya napakurap ako agad.

Pagdilat ko, hindi naman na siya nakatingin sa'kin kaya finocus ko nalang din ang mata ko sa laban.

After one hour and 30 minutes, mukhang medyo nakakalamang na ang kalaban.

Lahat sila may galos at pasa na kaso nga lang, marami nang napabagsak sa Exotic Phoenix kaya alam kong it's my time to shine haha.

As usual, nakalamang na kami dahil marami na din kaming napabagsak na kalaban.

Siyempre dahil sa tulong ko.

Lima na lang ang kalaban kasama na si Godyr at pito kami, kasama na ako.

Masyadong dikit ang laban habang tumatagal, nag-iinit na ako.

Kasi naman, nakakagulat kasi sa lahat ng gang fights na nasalihan ko, ito na ata ang tumagal ng tatlong oras. Ang common kasi ay mga two hours lang tapos na.

Kaya pala sinabi ni Todz na maghanda ako kasi malakas ang kalaban.

Yeah, malakas nga sila, pero mas malakas ako.

Hanggang sa kaming tatlo na lang ni Godyr kasama ang gang member ng kalaban ang natira.

It means na ako na lang ang natira sa amin kasi bumagsak narin si Todz eh tsk. -_-

Bigla akong inatake nung gang member na kalaban at iwas lang ako ng iwas.

I wonder why hindi ako inaatake ni Godyr, kasi alam ko na dapat ngayon pinagtutulungan na nila ako kasi nag-iisa na lang ako.

At dahil nag-iinit na talaga ako, binigyan ko ng isang napakalakas na uppercut yung umaatake sa'kin. Tsk, masyado kasing pasikat kaya ayun, tigok.

Sayang pretty face hayysst.

Kaming dalawa na lang ni Godyr ang natitira pero isang nakakabinging katahimikan ang nakapalibot sa'min.

Parang nakikipag pakiramdaman kami sa isat-isa.

Yung naghihintayan kami kung sinong unang aatake.

Bigla akong nainip kaya inatake ko na siya nang mabilis at parang 'di man lang siya nagulat kasi naiiwasan niya mga atake ko.

Sh*t ako lang ang umaatake at iwas lanag ang ginagawa niya.

Masama to tsk.

Alam ko na style niya.

Papagurin niya ako tapos tsaka niya ako aatakihin kapag pagod na ako.

Sa gitna ng pag-atake ko, bigla akong natapilok. Tsk.

Ba't kasi nagsuot pa ako nitong deadly heels eh.

Kunsabagay, palagi naman akong naghiheels kapag nakikipaglaban ako.

Pero ngayon pa lang ako nadulas grabe.

At kahit anong balanse ko sa katawan ko, sadyang madulas ang floor kaya unti-unti na akong natutumba.