Chapter 64 : Pagsasanib ng liwanag 7 :

Masaya ang lahat sa katatapos na ritwal ngayon ay wala na silang

dapat ipangamba laban sa mga masasamang elemento at engkanto

na mag tatangkang sirain ang katahimikan at kapayapaan ng kanilang

lugar na nasasakupan, ganon na rin sa mundo ng mga tao.

Nanatiling nakapikit ang mga mata ni Arnie, walang kibo itong tila

ninanam - nam pa ang katatapos na ritwal ng pagsasanib ng liwanag.

Tumingala si haring Boras sa ere sa gitna ng batis kung saan

naroroon si Arnie ,nakita niyang nanatiling nakapikit ang mga mata

nito.

HARING BORAS : A_ _ _ _ _ Arnie ???? ang mahinang usal ni haring

Boras, nag dadalawang isip kung tatawagin na si Arnie o hahayaan

muna itong manatili sa ganoong posisyon dahil sa pag aalalang

baka ikagalit nito ang kanyang gagawing pang -iistorbo.

Litong sinulyapan ni Haring Boras ang mga kasama na nooy nakatingala

rin at tinatanaw si Arnie . Nakita niyang sabay na umiling si haring Usarin

at reyna Mareana bilang sagot sa kanyang nagtatanong na mga mata

Matiyagang naghintay ang lahat na pawang naka nga - nga ang

bunganga na tila nag hihintay na may bumagsak na pagkain mula

sa langit.......

ilang minuto pa ang lumipas....

Ang ilang minuto ay umabot ng isang oras, nanatili ang lahat sa

matiyagang pag hihintay...

Lumipas ang halos pitong oras hanggang mag liwanag, hudyat

ng pagsapit ng umaga. Nanatili pa rin ang lahat sa ganoong ayos

matiyaga pa ring hinihintay si Arnie, habang ang mga bibig at leeg

ay tila nanigas na sa magdamag na pagka nga - nga at pag tingala.

lumipas pang muli ang ilang sandali, si Arnie na kaipala ay nakatulog

ng mahimbing sa ere sa ganoong posisyon dahil sa masarap na

pakiramdam na kanyang naramdaman.... Na tila minamasahe

ang kanyang buong katawang ng mahiwagang liwanag ay unti unting

nag mulat ng mga mata.