Chapter Fifty-One

Pinaupo na kami sa mga silya namin. Sa unahan, may tatlong bakanteng silya. Pero by seatmate ang arrangement kaya naman magkakahiwalay kaming tatlo.

"Hi Miss pwede malaman ang number mo?" tanong ng guy na may yellow na buhok. Sya ang seatmate ko.

"Number one," sagot ko.

"Niloloko mo ba ako?" tanong nya.

"Hindi. Number one naman talaga ako sa school. Bakit ba?" naiinis na tanong ko.

"Miss," bigla nyang nilapit ang mukha nya sa'kin. "Nakakatakot akong magalit."

"Ah. Ok." Inilayo ko ang silya ko sa kanya. "Pero mas nakakatakot magalit ang boyfriend ko."

"Ano ba'ng cellphone number mo?" Di nya pinansin ang sinabi ko.

"Wala akong cellphone." Ang kulit!

Ano ba naman yan?! Unang araw ng kamalasan! Tumingin ako sa instructor na patuloy parin sa pagdi-discuss. Wala ba talaga syang pakialam sa nangyayari sa paligid nya?! Wala naman nakikinig sa kanya eh!

Si Audrey, hindi sya kinukulit ng seatmate nya. Mukhang takot sa kanya eh. Si Cheska naman hinihigit ng seatmate nya yung buhok nya at sinisipa naman ng nasa likod ang upuan nya. Kawawang Cheska.

"Uy ang ganda ng pagkaka-photoshop dito ah!"

Napalingon ako sa seatmate ko. Halos lumuwa ang mata ko nang makita ko na hawak nya ang cellphone ko. Teka! Nasa bag ko yun ah! Pagkatingin ko sa bag ko, nakabukas na ito.

"Ibalik mo yan!" inabot ko pero nilayo nya.

"Mukhang totoong totoo ang picture na ito! Wahaha! Mga pare tingnan nyo 'to!"

Pinakita nya sa mga lalaki na nasa likod namin ang picture namin ni TOP mula sa theme park.

"Woah! Stalker ka rin ba ni Pendleton?"

"Too bad hindi ka nya papatulan!"

"Kung gusto mo picture ko nalang ang gamitin mo!"

"WAAH! Hwag nyong tingnan yan! Ibalik mo yan!"

"Wooohh!!"

"Crush mo pala si Pendleton! Hahaha! Eh bakla naman yun eh! Hahahaha!"

"Oo nga! Hindi 'yon interesado sa mga babae! Wahahaha! Kawawa ka naman!"

"Hindi sya bakla mga unggoy kayo! Hwag nyong pagsalitaan nang ganyan si TOP!" sigaw ko sa kanila.

"Ows? Talaga?"

"Ba-bastedin ka lang nya. Sa'kin ka nalang Miss!"

Bumukas ang pintuan ng room at pumasok si TOP. Natahimik ang lahat. Walang gumagalaw. Napaayos ng tayo ang mga unggoy na kausap ko. Nakita ko ang takot sa mga mukha nila na pilit nilang itinatago.

"M-Mr Pendleton? A-Anong ginagawa nyo dito?" tanong ni Mr Corona.

"Pumapasok sa klase ko," sagot ni TOP with a bored expression.

"P-Pero hindi po ito ang klase nyo."

Hindi sya pinansin ni TOP at nilibot nya ng tingin ang room. Nang makita nya ako lumapit sya kay Mr. Corona at may inabot na papel.

"N-Nagpalipat po k-kayo ng klase?" gulat na tanong ni Sir matapos basahin ang papel.

Lumapit si TOP sa upuan ko at tinitigan ang seatmate ko. May dark aura na biglang lumabas sa kanya. Uwaaaaah!

"You. Move. Now," utos ni TOP sa seatmate ko. May hint ng threat ang boses nya, na para bang may mamamatay kung di sya masusunod.

Yung expression nya sobrang seryoso at nakakatakot. Mukha syang mafia boss! Biglang iniwan ni yellow head ang cellphone ko sa mesa at tumakbo para umupo sa dulo. Pati na rin yung nasa likod namin ni TOP lumipat ng upuan.

Umupo sa tabi ko si TOP. Meron syang bored-look. Nakatingin lang ako sa kanya. Kaya ba nya kinuha ang sched ko para magpalipat ng klase?! Ibig sabihin nasa lahat ng klase ko sya?! Over possessive stalker boyfriend!

"Ano'ng ginagawa mo dito?" bulong ko.

Tinignan lang nya ako tapos bigla nyang hinigit, gamit ang isang kamay, ang silya ko. Ngayon magkadikit na ang mga upuan namin. Ang lapit namin! Sa sobrang lapit ng upuan namin gusto ko syang hawakan. Gusto kong kumapit sa braso nya. Ano ba yan?!

"Ikaw? Ano'ng ginagawa mo sa school ko?" bulong nya na may kalakip na inis.

"Ah. Eh."

"Retard."

"K-Kasi naman."

"Hindi mo sinabi na pupunta ka dito." Matalas ang tingin nya sa'kin.

"G-Ganito kasi TOP. Ano kasi. Ano—"

"Hindi mo ako tinawagan kagabi para sabihin."

Napayuko nalang ako.

"Palagi ka nalang ganyan," huminga sya ng malalim.

"S-Sorry na."

"Palagi mo nalang akong pinapakaba," bulong nya.

Hindi ako naka-imik. Ang seryoso nya kasi.

"Ano pa ba ang hindi mo sinasabi sa'kin?"

Hindi ako naka-sagot.

"Palagi nalang ba akong magugulat sa mga gagawin mo at kung saan kita makikita?"

Tumingin ako sa kanya.

"Pano kung wala ako sa tabi mo at may nangyaring masama sa'yo? Ano sa tingin mo ang mararamdaman ko kapag nangyari 'yon? Alam mo naman kung gaano ka kahalaga sa buhay ko diba?"

Na-guilty ako.

"Wala ba akong karapatan na malaman kung ano ang nangyayari sa girlfriend ko? Ako ba palagi ang gagawa ng paraan para sa ating dalawa?"

"TOP. Sorry na."

"Shit."

"I'm sorry hindi ko naman kasi alam kung pano sasabihin."

"Save it. I don't want to hear it. You don't even have a good excuse for this one Miracle."

Malakas na hinampas ni TOP ang kamay nya sa lamesa. Natahimik ang lahat at tumingin kay TOP.

"WHAT THE F*CK ARE YOU ALL LOOKING AT?!" sigaw nya.

Napatingin nalang ako sa wasak na lamesa ni TOP. Galit na galit sya at nagawa nyang sirain iyon gamit ang isang kamay. Halaaa... galit na naman sya. Tumayo si TOP at lumabas ng classroom. Lahat ng mata nakatingin sa kanya. Ano na naman ba ang ginawa mo Samantha?

"Sam," biglang umupo sa tabi ko si Cheska. "Ano'ng sinabi mo at nagalit yung dazzling creature na yon?"

"W-Wala." Dazzling Creature?

"Dito muna ako huh? Ang sama ng mga katabi ko dun eh ayaw akong tigilan."

"Um. Sure." Timothy! Come back! Please!

"Ok lang sana kung kasing gwapo ng seatmate mo yung mga nangungulit sa'kin, pero hindi eh. Mga mukhang palaka."

Ano ba? Wala ako sa mood makinig dito kay Cheska. Kailangan kong isipin kung pano ko aayusin ang gulong ito. Eh kasi naman. May kasalanan na naman ako kay TOP!

"Gosh! Alam mo ba may nakita akong gwapo kanina at ka-grupo sya ng seatmate mo at nag-wink sya sa'kin!"

Ngumiti lang ako sa kanya. Napakadaldal nya talaga hindi ako makapag-concentrate. Paano ba ako magso-sorry kay TOP?

"Ang aking Prince Charming. Blah blah blah!" After twenty minutes hindi parin sya tumitigil tungkol sa prince nya. Gusto ko nang i-untog ang sarili ko sa mesa, naiinis na ako. "Wala na akong pakialam pa kahit gangster pa sya!"

Ano raw?

"Kahit gangster pa sya?" tanong ko.

"Oo naman! Kung tanggap nya ako bilang ako, tanggap ko din sya. Kahit ano pa sya! Ang aking Prince! Sa wakas nakita ko na din sya!" Nag-twinkle ang mga mata nya.

Ouch! Bakit parang tinamaan ako sa sinabi nya? Tanggap ko naman si TOP ah! Kahit ganon pa sya, eh ganon na talaga sya! Huh?

"Pero pano kung malaman ng school?"

"So? Hindi naman habang buhay nasa school tayo eh. Minsan lang tayo ma-inlove kaya go for it!"

Kung ganon para lang pala akong ewan at itinatago ko si TOP sa lahat? Pero natatakot parin akong harapin ang consequences ng relationship namin! Ang gulo!

"Ang besides pakialam ba nila? Hindi naman sila yung makakasama ko habangbuhay eh," patuloy sa pagsa-salita si Cheska.

Bumukas ulit ang pinto at pumasok si TOP. Tumingin sya sa'kin. Umalis si Cheska sa tabi ko at bumalik sa pwesto nya. Lumapit si TOP at umupo ulit sa tabi ko. Ngumiti sya sa'kin. EHH? Akala ko ba galit sya sakin? Bipolar. Hindi ko ma-predict ang mood swings nito. Naggo-glow si TOP ngayon. Bakit kaya? Nababalot sya ng positive aura.

*tweet!tweet!textmessage*

Tumunog ang cellphone ko at tinignan ko kung sino ang nagtext.

message:

punta k s back bldg b4 lunch ng mag-isa, may ibibigy aq sau

sender:

Unregistered Number

Sino naman kaya ang nag-text nito? Pupunta kaya ako? Hmm. Mukhang importante ah. Pero bakit mag-isa lang dapat ako? Baka naman may masamang balak sa'kin yung nag-text nito?! Itinago ko na yung cellphone ko sa bag. Baka mabasa pa ni TOP, isipin nya may other guy ako.