Chapter 78

Nang makapasok na si Ashley sa loob ng sasakyan, saka lang sumunod si Tanaga pagkatapos na magpaalam sa pamilya ni Ashley. "Wag po kayong mag-alala ke Ashley, hindi ko po siya pababayaan. At pangako ko po sa inyo, dadalhin ko siya dito kada buwan para hindi ninyo sya ma missed masyado."

Sabay nakipag-kamay sa mga kapatid at ama ni Ashley, bago siya naman ang pumasok sa sasakyan upang sila ay makaalis na. Panay pa rin ang kaway ng pamilya ni Ashley habang papalayo ang kanilang sasakyan. Kaya naman hindi mapigilan ni Ashley ang pagpatak ng kanyang luha na malaking ikinabahala ni Tanaga.

Lumapit si Tanaga at niyapos si Ashley habang isinandal niya ang ulo nito sa kanyang balikat. "Shsss, tahan na... Di mo ba narinig ang sinabi ko? Next month babalik uli tayo dito, at sisiguraduhin ko na hindi tayo maiistorbo ni lola. So, tahan na, ok!"