Ang Desisyon ni Xu Jiamu (9)

Ngayong nahuli na niya ang lalaki, gusto niyang marinig kung anong totoong

nangyari kaya pinatay niya ang lighter at tinitigan ito ng diretso sa mga mata,

na para bang naghihintay siya na magpatuloy ito.

Kitang-kita niya ang takot sa mga mata nito habang nakatitig sa kumpol ng

pera na nasa kamay niya kaya noong hindi nanaman ito nagsalita, muli niyang

kinalabit ang lighter para takutin ito ulit.

"Young master Xu, nagmamakaawa ako sayo. Wag ka namang pabigla-bigla.

Magsasalita na ako pangako… Kinita ko ang mga yan dahil nagawa ko ang

utos ni Madam Xu na magpapunta ng reporters sa Mian Xiu Garden at

magkunwaring delivery man para maloko si Miss Qiao…"

Sa kabila ng kutob ni Xu Jiamu, bigla pa rin siyang natigilan noong tumambad

na sakanya ang katotohanan. "Tapos?"

"Yun lang po…" Alam niyang meron pa kaya para pilitin ang lalaki na

magsalita, naglabas siya ng isang bill galing sa envelope at sinunog. Hindi siya

nagkamali dahil takot na takot itong sumigaw ng "Tama na!" habang

pinagmamasdan ang pera nito na maging abo.

Hindi niya pinansin ang pagmamakaawa ng lalaki at muli siyang naglabas ng

pera galing sa envelope, pero sa pagkakataong ito, mas makapal na ang

kinuha niya.

Sa pagkakataong ito, wala ng pakielam ang lalaki dahil bilang

nangangailangan ng pera, handa siyang gawin ang lahat para makuha ang

pinaghirapan niya. "Si Madam Xu ang nagutos sa akin na sabihin ang address

ni Miss Qiao. Noong nasa Mian Xiu Garden na ang mga reporters, inutusan

ako ni Madam Xu na hulihin si Miss Qiao at… habang nagkakagulo ang lahat,

inutusan niya ako na bagsakan si Miss Qiao ng camera. Alam niya kung gaano

kabigat ang camera kaya sigurado siya na kapag ginawa ko yun, pwedeng

mamatay si Miss Qiao… Sinabi sa akin ni Madam Xu na bibigyan niya ako ng

fifty million kapag natupad ko ang mga utos niya pero dahil dumating ka

kanina, ito lang ang nakuha ko. Parang awa mo na… ibalik mo na yan sa

akin…"

"Ibig sabihin, sinadya mong masaktan si Qiao Qiao? Kaya ba biglang

nagkatulakan kanina dahil plinano mo yun?" Punong-puno ng galit ang mga

mata ni Xu Jiamu habang nakatitig sa lalaki.

Hindi na kayang tumingin ng diretso ng lalaki sa mga mata ni Xu Jiamu kaya

sumandal siya sa puno at nanginginig na nagpatuloy, "Hindi ako ang nagplano,

Young Master. Inutusan lang ang ako ni Madam Xu…Si Madam Xu ang nasa

likod ng lahat ng ito…Natalo ako sa sugal at tinatakot ako ngayon ng mga

pinagkautangan ko. Hindi ko na alam kung anong gagawin ko pero isang araw,

biglang umuwi si Auntie Yun sa baryo namin. Fifty million…Young master, hindi

pa ako nagkakaroon ng ganun kalaking pera sa buong buhay ko at kahit anong

gawin ko, hindi ako magkakaganun kaya pumayag ako. Young Master,

maniwala ka sa akin… Kung ako lang, hindi ako ganung klaseng tao at hindi

ako gagawa ng mga ganung bagay pero dahil gipit na gipit na ako, sumunod

ako sa utos nina Auntie Yun at Madam Xu…"

"Dahil inutusan ka nila kaya mo nagawa yun? Fifty million? Fifty million lang ba

ang halaga sayo ng buhay ng ibang tao? P*tang*na! Alam mo bang ilegal ang

ginawa mo? Naisip mo ba 'yun? Kung hindi ako dumating kanina, may napatay

ka ng inosente. Kaya ngayon sabihin mo na sila lang ang may kasalanan?

Kailangan niyong makulong…makukulong kayong tatlo! Naiintindihan mo ba

yun?!"

Hindi na kayang kimkimin ni Xu Jiamu ang galit na nararamdaman niya kaya

ngayon na nasa harapan niya ang isang taong ginawang intrumento ng sarili

niyang ina para gumawa ng masama sa taong tinuturing niyang best friend,

tuluyan na siyang sumabog sa galit kaya sa sobrang takot ng lalaki, biglang

nanginig ang mga binti nito. Noong nakakuha ito ng tyempo, walang

pagdadalawang isip nitong inagaw sa kamay niya ang envelope na naglalaman

ng maraming pera.

Dahil nakabaliktad ang envelope, may ilang pera na nagkalat sa sahig kaya

nagmamadaling yumuko ang lalaki para ipunin ang mga ito pero sa takot niya

na baka bila siyang saktan ni Xu Jiamu, hinayaan niya nalang ang mga hindi

niya napulot at nagmamadaling tumakbo.

Narinig na ni Xu Jiamu ang mga kailangan niyang marinig kaya hinayaan niya

nalang ang lalaki na tumakbo…Parang galit nag alit sakanya ang katotohanan

na sinampal siya nito ng malakas at wala na siyang magawa kundi tanggapin

nalang ang lahat.

Ang buong akala niya…Masama lang ang loob ng mama niya kaya nito binigay

sa reporters ang tungkol sa kasal nila ni Qiao Anhao at ang address ng kapatid

niya sa Mian Xiu Garden kaya nga naisipan niyang umuwi na para kumbinsihin

itong tumigil na at magumpisa nalang sila ng bagong buhay.