Video Call（10）

Ngingiti palang sana si Qiao Anhao nang biglang ibaling ni Lu Jinnian ang

tinigin niya sa iba. Masyadong makapal ang salamin na nakapagitan sakanila

kaya hindi marinig ni Qiao Anhao kung anong sinabi ni Lu Jinnian. Nakita niya

lang na nagsalita ito at tumayo. Hindi nagtagal, bigla binuksan nito ang

pintuan at naglakad papalapit sakanya habang nakatingin sakanilang dalawa

ang lahat ng taong naiwan sa meeting room.

Hindi inaasahan ni Qiao Anhao na lalabas si Lu Jinnian sa kalagitnaan ng

meeting nito dahil lang sa sinend niyang picture. Bigla siyang nahimasmasan

noong nasa harap niya na ito kaya dali-dali siyang napatayo mula sa sofa

para tignan ang mga board of directors na nasa loob ng meeting room. Bigla

siyang namula sa sobrang hiya at naiinis na sinabi, "Bakit ka lumabas?"

Kulay puting shirt ang suot ni Lu Jinnian kaya para siyang nagniningnig

habang nasisinagan ng ilaw na nasa kisame. Yumuko siya para tignan si Qiao

Anhao at imbes na sagutin ang tanong nito, nagtanong din siya ng parang

walang emosyon para hindi mahalata ang kilig na nararamdaman niya,

"Kamusta na ang pakiramdam mo? Bakit ka nagpunta dito sa office?"

"Dumaan lang ako para sumilip." Yumuko si Qiao Anhao habang nagsasalita

dahil baka mahalata ni Lu Jinnian ang tunay niyang intensyon. Matagal na

noong huli silang magkita, kaya siya pumunta…

"Oh," Sagot ni Lu Jinnian habang nakatitig kay Qiao Anhao.

Medyo naiilang si Qiao Anhao at lalo pa siyang namula sa sobrang kahihiyan

dahil alam niyang nakatingin sakanilang dalawa ang mga tao sa loob ng

meeting room, kaya mahinahon niyang sinabi, "Diba may meeting ka?

Bumalik ka na."

"Sige," sagot ni Lu Jinnian pero hindi pa rin siya gumagalaw sa kinatatayuan

niya.

"Bakit hindi ka pa bumabalik? Muling tanong ni Qiao Anhao.

"Ngayon na," sagot ni Lu Jinnian pero hindi pa rin siya kumikilos.

Hindi na maintindihan ni Qiao Anhao kung ano bang gagawin niya kaya

napapadyak nalang siya ng paa niya. Sobrang pula na ng mukha niya at may

sasabihin sana siya ulit pero biglang nagsalita si Lu Jinnian bago ito tuluyang

bumalik sa meeting room. "Hintayin mo ako."

Muling nagpatuloy ang meeting pero halatang wala na sa sarili si Lu Jinnian

at maya't-maya niyang sinisilip si Qiao Anhao sa labas kaya pati mga board

members ay napapagaya ng ring tumingin sa labas.

-

Alas sais imedya na ng gabi noong natapos ang meeting kaya nagmamadali

si Lu Jinnian na lumabas ng meeting room. Noong mga oras na iyon, nakauwi

na ang mga secretary at at ang tanging si Qiao Anhao nalang ang naiwan sa

malaking sala ng Huan Ying Entertainment. Nakatulog na ito ng nakaupo sa

sofa habang hawak ang pinaka bagong edition ng entertainment magazine.

Biglang bumagal ang lakad ni Lu Jinnian. Tumingin siya sa meeting room

para sensyasan ang lahat ng board members na hinaan ang mga boses nito.

Noong sandali ring iyon, biglang tumahimik ang lahat pero hindi pa siya

nakuntento at muli siyang kumaway bilang sensyas naman na umalis na ang

mga ito.

Silang dalawa nalang ni Qiao Anhao ang naiwan sa buong palapag. Dahan-

dahan siyang naglakad papalapit dito para buhatin sana ito pababa pero bigla

rin naman itong nagising. Habang bumababa mula sa pagkakabuhat ni Lu

Jinnian,tumingin si Qiao Anhao sa paligid nila at nagtanong, "Among oras

na?"

"6:30," Sagot ni Lu Jinnian. Muli siyang nagpatuloy, "Kukunin ko lang jacket

ko, magdinner tayo."