THE THIRDS BOOK 2: UNCONDITIONALLY (OATH NECKLACE)
- 26 KapsInhalt
- Bewertungen
- NO.200+UNTERSTÜTZEN
Si Dave? Sa unang tingin mukha itong suplado. Notorious playboy type, gayun pa man ay relax ang aura ng mukha nito. Halatang may lahing Latino. Obvious iyon sa kulay nitong hindi maitim at hindi rin maputi, sobrang ganda ng ilong at pula ng labi. At ang buhok nitong medyo kulot na may kahabaan ay parang itim na damong gumapang pababa sa batok nito. At siguro kung ganito kagwapo ang boyfriend niya, ready siyang umiiyak ng kahit ilang beses pa! Pero hindi siya pinaiyak ni Dave. Dahil higit pa yata sa kayang gawin ng sinomang lalaki ang ginawa nitong sakripisyo at pagpoprotekta kay Audace. At ang lahat ng iyon ay sapat na para mahalin niya ito ng buong puso. Ang maganda pa, mahal na mahal rin pala siya ng binata. Masasabi niyang masyado siyang imperfect para sa isang lalaking katulad ni Dave kaya unti-unting nilamon ng matinding insecurity ang puso niya. Pero gaya ng madalas na mangyari noon pa man. Naroon parin si Dave para sagipin siya. Pero hanggang kailan siya kayang sagipin ng kanyang knight in a shining armor? Paano kapag nalaman nito ang sikreto niya? Lalo na’t muling nagbalik si Alfred at nakahanda siya nitong bawiin kay Dave anuman man ang mangyari. Masagasaan na ang masasagasaan, masaktan na ang lahat ng pwedeng masaktan?
PROLOGUE
"COUPLE necklace?" kunot-noong nilinga ni Dave ang kapatid nasi Danica na katabi ang asawa nitong si Clark.
"Binili namin iyan ni Clark sa Ongpin, sa Maynila. Ang sabi nung binilhan namin, oath necklace ang tawag diyan" paliwanag sa kanya ng nakatatandang kapatid.
Iyon ang gabi ng kanyang seventeenth birthday. Katatapos lang ng dinner na hiniling niyang gawing pribado kasama ang malalapit na kaibigan at kapamilya nila. Wala kasi siya sa mood para humarap sa maraming bisita kaya tinanggihan niya ang engrandeng party na iginigiit ng Mommy niya. Pinakatitigan niya ang hawak na kahon. Sa loob ay ang pares ng white gold necklace. In fairness maganda at classy ang heart pendant nitong hati sa dalawa.
"It is actually a promise to always love a person no matter what. In other words, unconditionally" si Clark naman iyon nang hindi siya magsalita.
"Love?" amuse niyang pinaglipat-lipat ang tingin sa kapatid at bayaw.
"Yes" si Danica na nakangiting nilingon ang asawa. "pareho kayo, you have to wear them for three nights tapos magpapalit kayo ng girlfriend mo. It's like saying, nasayo ang puso ko and yours with me. Di ba ang sweet?" ang kininilig pa nitong turan.
"Interesting, kaso wala pa akong pagbibigyan nito eh. Okay lang bang paghintayin ang mga ito?" nakuha ng sinabing iyon ng ate niya ang kanyang atensyon.
"But of course! Ibigay mo iyan sa babaeng alam mong kaya mong mahalin unconditionally. Why I can't wait to meet her" nasa tinig ng ate niya ang excitement.
Hindi siya nagsalita at sa halip ay ibinalik ang tingin sa laman ng kahon. Why I can't wait to meet her too.
