Ang Crush ng Crush Ko

Lahat tayo may crush, hinahangaan, pinupuri o gusto.

Yung taong kapag nandyan, kinikilig ka.

Kapag kinakausap ka nya, kinakabahan o pinagpapawisan ka pa.

Excited ka pumasok kasi alam mong makikita mo sya.

Kapag iniisip mo sya, napapangiti ka nalang bigla.

Kabisado mo lahat sa kanya. Kaibigan nya, schedule nya, section nya.

Likod nya palang, alam mo kung sya na.

Ultimong bag nya nga, alam mo yung tatak at itsura.

Makita mo lang sya, ang saya saya mo na. Yung parang kumpleto na agad yung araw mo.

Kapag may nakita kang kasama nyang babae, kulang nalang kulamin mo yung tao dahil lahat ng mali sa kanya sinasabi mo.

O kapag may girlfriend na sya, lahat na ng pwedeng gawin, ginawa mo na. Kahit ipagdasal pa na sana magkahiwalay sila.

Tapos ang pinakamadalas mong iniisip, sana ikaw nalang yung gusto nya.

Sana ikaw rin, crush nya.

O kaya, sana ikaw nalang yung girlfriend nya at walang sila.

May dalawang klase ng crush sa mundo.

Una,

Crush Ka Ng Crush mo.

Dito magkakaroon ka ng love story kasama sya at kayo ang bida.

Parang Cinderella na pahihirapan at gagawing utusan ng Evil Stepsisters at Evil Stepmother. Yung ililigtas ka ng Fairygod Mother at isasayaw ka ng Prince Charming mo.

Parang Snow White na ipapapatay ng Reyna kasi mas maganda ka sa kanya. Yung titira ka kasama ng Seven Dwarfs. Yung pakakainin ka ng apple at mamamatay. Tapos hahalikan lang ng Prinsipe para ikaw ay mabuhay.

Parang Sleeping Beauty na anak ng Hari at Reyna. Isusumpa ka ng Evil Witch dahil hindi lang sya inimbita sa pagsasalo nyo. Tapos pag 18 ka na, ipapahawak ka sa karayom at makakatulog ka na habang buhay. Pero darating si Prince para halikan at magising ka na.

O kaya naman, Little Mermaid na gusto mo lang naman maging tao. Tinulungan ka nga ng masamang pusit na si Ursula, gusto nya lang pala magreyna sa karagatan. Kaya tinulungan ka ng isang Prinsipe na nainlove sa boses mo para matalo sya.

Lahat ng fairytales na yun, hahadlangan sa una pero sa dulo, kayo at kayo parin ng taong mahal mo ang magkakatuluyan.

Yung may forever. Yung magtatapos sa happily ever after.

Pangalawa,

Hindi Ka Crush Ng Crush Mo.

Ito yung pinakamasaklap sa lahat. Hindi ka nya gusto. Extra ka lang. At higit sa lahat, ikaw pala ang kontrabida sa love story nila.

Ikaw si Stepmother ni Cinderella. O kaya ikaw yung isa sa Evil Stepsisters nya. Si Anastasia o kaya si Drizella. Mamili ka nalang sa dalawa.

Ikaw yung Reyna na nagbigay ng apple kay Snow White para mamatay sya.

O kaya yung Evil Witch na balak patulugin si Sleeping Beauty habang buhay.

O baka si Ursula na gusto lang maghari sa karagatan.

Ang sakit diba kapag hindi ikaw yung bida ng storya? Minsan kasi storya ng iba yun, extra ka lang pala. Pampagulo kumbaga.

Dun sa mga love story na yun, mahal nila ang isa't isa. Nainlove sila.

Pero may nakalimutan ka.

Hindi porket mahal nyo ang isa't isa, kayo na habang buhay.

Sabi nga sa quote diba,

Some people are meant to fall in love with each other but not meant to be together.

Kaya sila nagkatuluyan kasi para sila sa isa't isa. Maswerte lang sila kasi yung taong nakilala nila, yun na agad ang taong para sa kanila.

Tama naman diba? Hindi mo sya agad agad nakikita. Minsan sa iba tayo nakatingin. Minsan iba ang iniisip natin. Minsan iba yung nasa puso natin ngayon at nasa puso natin bukas.

Pero kapag nahanap mo na yung taong para sayo, kahit anong mangyari, umulan man o bumagyo, kahit ilan pang tao ang dumating sa buhay mo, akitin ka man nila o agawin, sya at sya lang ang taong nilalaman ng puso mo. Proven and tested na yan sa mga taong tumanda at namatay ng magkasama.

Crush ko sya.

Mahal ko na nga yata sya.

Kaya habang maaga pa, gusto kong malaman kung sino Ang Crush Ng Crush Ko.

- Katie

***