Bakit Hindi!

Natigilan si Ashley sa tanong ni Grandma Hanada. Kasasabi pa lang niya sa sarili niya ng kapag ito ang itanong sa kanya, ay hindi niya alam kung ano ang kanyang isasagot. Tapos ngayon, eto na nga!

Huminga muna ng malalim si Ashley bago sumagot. "Grandma, kung sakali po... Ito ay kung sakali lang naman... Na hilingin ni Tanaga na magsama na uli kami... - Bakit hindi! Hindi pa naman kami divorce at ama siya ng mga anak namin." Sabay yuko ni Ashley dahil hindi siya makatingin ng diretso sa matanda.

Sabay dinugtungan niya, "pero para as akin po ay mas mabuti an wag muna. I need to see for myself kung makakaya ko ba kung sakaling tuluyan na kaming mag divorce. Hindi pa po kasi tayo nakakasigurado sa mangyayari pag dating ng panahon." 

"Hmm, may katwiran ka. Ma iba ako ng usapan, nasabi mo na ba sa magulang mo na buhay pa si Tanaga?" Nag maang maangan si Grandma Hanada at nagdadasal na hindi siya mahalata ni Ashley.