Chapter 705 Way To Go

@International_Pen

((( Sena )))

"Infairness… dito ka nilagay." Sabi ng isa.  Napatango na lang ako. Heto lang ata talaga ang maitutulong ko sa kompanya ni Sean.

"Ibalik mo sa amin Sena ang sukli ha." Napatango ako…

"Wag kang mag-alala bibigyan ka namin ng mataas na evaluation para maging regular ka kaagad dito. Kung di ka nga tatamad tamad."

Tumango ako. Oo, masyado akong masunurin sa superior ko. Pero, ganto ba inuutusan nila si George? Talaga lang? Inuutusan na nga ni Sean ng sagad, pati pa naman sa pag-aalaga ng kalusugan ng mga empleyado nila… wow, concern din siya. Kulang pa talaga yung limang araw na bakasyon ni Geoge… may ginintuan na puso, kahit napakahirap ng trabaho niya.

Tumayo na ako. At lahat sila napasinghap.

"Buntis ka?"

Napatango ako.

"At bakit ka natangap kung ganyan ang situation mo?"

"ehhh…"

"Ano ka ba Mercy, syempre kailangan niya maghanap buhay habang di pa lumalabas ang baby."