Ang Love Letter mula sa nakaraan (7)

Hindi niya rin maintindihan kung bakit, pero siyang nalungkot sa nakita niya.

Ngayon ang araw ng final round ng Hollywood casting at kumakalat sa

internet kung paano tumakbo si Lu Jinnian sa entablado noong nalaman

nitong buntis si Qiao Anhao. Habang nanunuod sila, kitang-kita niya na

masaya naman si Qiao Anxia at sinabi pa nito, "Buntis pala si Qiao Qiao,

magiging titan a ako."

Pero hindi nagtagal, bahagyang lumungkot ang mukha nito habang nakatitig

sa screen. Sinubukan niyang tawagin si Qiao Anxia ng ilang beses pero

nakatulala lang ito kaya sa sobrang sama ng loob, umalis muna siya ng

apartment para magpalamig ng ulo.

Marami na siyang nalaman tungkol kay Qiao Anxia… pero dahil

nangingibabaw ang pagmamahal niya para rito… nagdesisyon siyang

magtanga-tangahan at magpanggap na hindi nasasaktan kaysa mawala ito…

Pero habang tumatagal… lalong lumalaki ang sugat sa puso niya… maayos

naman ang lahat noon, pero mula noong nalaman nito na kasal na si Qiao

Anhao at Lu Jinnian, araw-araw siyang nagigisng sa madaling araw at

makikita itong nakakatig sa screen.

Pinanuod ni Qiao Anxia hanggang matapos ang video at para hindi marinig

ang kanyang hikbi, dali-dali niyang tinakpan ang kanyang bibig habang

umiiyak.

Pero ang hindi niya alam… nakita ni Cheng Yang ang lahat.

Noong medyo kumalma na siya, maingat niyang isiniksik ang phone sa ilalim

ng unan at tingggal ang kanyang earphones. Balak niya sanang

magpahangin muna sa labas pero noong patayo na siya, bigla siyang

natigilan…. Dahan-dahan siyang lumingon at laking gulat niya nang makita

niya si Cheng Yang na nakatingin sakanya. Wala siyang ideya kung gaano

na ito katagal sa pwesto nito, pero para hindi mahalata, pinilit niyang

ngumiti at nagaalalang nagtanong, "Cheng Yang, bakit gising ka pa?"

Pero hindi ito sumagot at nakatitig lang sakanya…

Ito ang unang pagkakataon na nakita niyang ganito kasama ang tingin

sakanya ni Cheng Yang kaya dali-dali niyang ibinaling sa iba ang kanyang

tingin dahil hindi niya kayang tagalan ang titig nito. Wala siyang

natatandaan na hindi nila pinagkasunduan kanina kaya sa sobrang

pagaalala, sinubukan niyang hawakan ang kamay nito, pero hindi pa man

din nagdidikit ang mga balat nila, bigla siya nitong hinawi at galit na galit na

tinapon ang kumot sa isang gilid.. Hindi niya talaga maintindihan ang mga

nangyayari, kaya napatingin nalang siya dito, na nagmamadaling nagbihis at

lumabas.

Bigla siyang nahimasmasan at hinabol ito. Muli, sa pangalawang

pagkakataon, hinawakan niya ang kamay nito. "Cheng Yang ano ba? Bakit

ka ba nagagalit?"

"Ano sa tingin mo?" Sa totoo lang, gustong gustong gusto niyang pigilan ang

galit at magpatuloy sa pagbubulag-bulagan, pero sa pagkakataong ito, hindi

niya na talaga kinaya at tuluyan na siyang sumabog. "Qiao Anxia, pagod na

ako. Kung hindi mo siya kayang pakawalan, maghiwalay nalang tayo."

Hiwalay? Biglang nanlaki ang mga mata ni Qiao Anxia sa sobrang

pagkagulat.

Maging si Cheng Yang ay nagulat din sa lumabas sa bibig niya… Siguro

dala na rin ng sobrang sakit...Pero kahit kailan hindi niya naisip

makipaghiwalay… Bigla siyang yumuko at gusto niya sanang humingi ng

tawad, pero hindi niya alam kung paano niya sasabihin kaya bandang huli,

muli niyang hinawi ang kamay nito at lumabas.

Nahimasmasan lang si Qiao Anxia noong narinig niya ang pagbalibag ng

pintuan. Bigla siyang napahawak sa kanyang dibdib at unti-unting prinoseso

ang mga nangayari...Hiwalay? Bakit maghihiwalay?

Noon, sa tuwing may makikipaghiwalay sakanya, wala siyang pakielam, pero

noong narinig niya mga sinabi ni Cheng Yang…. sobrang natatakot siya…

Ano bang nagawa niya?