Will You Always Love Her? (9)

Biglang nagbago ang itsura ni Lu Jinnian at tumigil siya sa kanyang pagtatype para ipahinga muna ang kanyang daliri mula sa keyboard. Matagal niyang inisip kung anong pekikula ang "Obsessed""Yun ba? Gumamit ng substitute doon."

Nakaramdam si Qiao Anhao ng hindi maipaliwanag na saya. Dati, pinanuod niya ang pelikula ni Lu Jinnian sa sinehan, nakakaramdam siya ng selos at hiya dahil iniisip niya na ang katawan nito ay nakita na ng buong mundo.

Nagpatuloy si Lu Jinnian sa kanyang trabaho pero bago pa man din siya makabasa ng kahit ano, napansin niya na nabanggit ni Qiao Anhao ang halos lahat ng pelikula niya. Alam din nito ang 'Obsessed' na hindi naman naging sikat. Siya nga mismo nakalimutan niya na yun, pero si Qiao Anhao naalala pa na may bed scene doon…

Tumingin siya kay Qiao Anhao at nagtanong, "Mukhang binibigyan mo talaga ng atensyon ang mga pelikula ko ah."

Biglang bumilis ang tibok ng puso ni Qiao Anhao. Napahawak siya ng mahigpit sa kanyang mga kamay, natatakot na baka may mahalata si Lu Jinnian. Tinitigan niya ang screen at sinubukang kalmahin ang kanyang sarili bago sumagot, "Lahat ng pelikula mo ay sikat, gusto ito ng lahat. At sa totoo lang isa ako sa mga tagahanga mo!"

Para matapos, tumingin siya kay Lu Jinnian at ngumiti habang patuloy na tinatago ang tunay niyang nararamdaman. " Paano ba yan? Die hard fan mo ako, hindi ba? Alam ko lahat ng pelikula mo!"

Si Lu Jinnian ay kilala bilang "Nation's Husband" na mayroong napakaraming bilang ng mga tagahanga sa buong mundo, pero si Qiao Anhao ang tanging tagahanga na nagpasaya sakanya ng sobra.

Pinatay niya ang kanyang laptop at humiga sa sofa, sinabayan niya manuod si Qiao Anhao at nagtanong "Sa lahat ng mga pelikula ko, anong character ang paborito mo?"

Tumingin si Qiao Anhao at sineryoso nito ang tanong. Akala ni Lu Jinnian ay hindi niya ito narinig kaya uulitin niya na sana ang tanong niya pero bigla itong sumagot, "Ang favorite ko? Favorite ko ang "Longing"

"Longing".

Bahagyang nag-iba ang itsura ni Lu Jinnian.

"Kahit hindi ikaw yung bida sa pelikulang iyon, nasapawan mo ng sobra yung lalaking bida. Yung pagmamahal mo sa babaeng bida na kapatid mong babae ay labis na pinagbabawal, at nagawa mong ipakita kung gaano yun kahirap.

Manginginyak si Qiao Anhao noong sinabi niya ito. Ang charcter ni Lu Jinnian doon ay parang pagmamahal ni Qiao Anhao sa kanya. Mahal niya ito, pero nanatili itong sikreto dahil natatakot siyang sabihin ito, natatakot siyang ipagtagtapat ang nararamdaman niya dahil baka biglang kabaliktaran pala ang sagot ni Lu Jinnian. Hindi siya duwag, natatakot lang siya na baka hindi na sila magkita ulit.

Marami ng finilm na classics si Lu Jinnian, kagaya ng 'Empress Dowager', 'Bustling Dreams' , 'Clouds', at 'Heaven'. Ang 'Bustling Dreams' ay itinuring pang best classic noong panahong iyon, na nagbigay na sakanya ng napakaraming parangal.

"Longing" ang pelikulang nagpasikat sakanya, pero dahil hindi naman siya yung bida, hindi ito masyadong memorable.