Tulong ng Referee

Sa huli, natalo pa rin ako!

Napabuntong hininga si Lin Jingyan habang nililisan na niya ang silid na kaniyang pinaglaruan.

Kahit na nanghihinayang siya sa mga nangyari ay hindi naman sumama ang pakiramdam ni Lin Jingyan dahil sa kaniyang pagkatalo. Katanggap-tanggap naman para sa kaniya na matalo kay Fang Rui.

Kasi naman, siya ay isang manlalarong bilang na ang araw sa kaniyang karera, habang si Fang Rui naman ay nasa rurok pa rin ng kaniyang karera.

Kung ang pagtanggal sa koneksyon ng nakaraan. Dalawang taon na ang nakalilipas. Pero hindi pa rin niya magawang kalimutan ang kaniyang Demon Subduer. Tungkol naman kay Fang Rui? Binago pa nga niya ang kaniyang class.

Malinaw na mas naging desidido si Fang Rui sa pagpapasiya niya tungkol dito kaysa sa kaniya.

Talagang matanda na ako, habang si Fang Rui naman ay mahaba-haba pa ang karera bilang isang propesyonal na manlalaro!