Pagpapatumba sa mga Outer Disciples (1)

Gayon din, ang intensyong makipagpatayan ni Xiao Sun ay umabot na sa pinakamataas na antas.

Ang kanyang cultivation na nasa half-step Ascended Realm at ang kanyang Middle Class Mortal Skill Blazing Sun Manual ay nagbigay sa kanya ng kakayahan na atakihin si Zhao Feng kailanman niya gustuhin.

"Paanong ang isang tao na kakapasok pa lamang sa Clan ay mayroong Middle Class Mortal Skill!?" Natulala ang mga malapit na disipulo.

"Bukod kay Lin Fan na nasa unang puwesto ng mga substitute inner disciples, wala pa akong naririnig na kahit sino na may Middle Class Mortal Skill."

Ang lahat ng mga may Middle Class Mortal Skills ay higit na pinagpala.

"Walang hiya! Napakalakas naman agad ng kalaban ng ating kapatid na si Zhao!"

Nagpalitan ng mga tingin si Yang Qingshan at Nan Gongfan, parehong taimtim ang mga ito.

Alam ng lahat na lalaban si Zhao Feng ng apat na tao sa araw na iyon at wala ni kahit sa kanila ang madaling talunin. Gayon din, sa bawat laban na kanyang kakaharapin, pahirap nang pahirap ang mga kalaban.

Kung kaya, iniisip ng lahat na hindi talaga mananalo si Zhao Feng. Iniisip na lamang nila ngayon kung hanggang kailan niya kayang magtagal sa kanyang sitwasyon.

"Hahahaha… Mukhang wala na tayong tsansa na makipaglaban."

Pagtawa ng magkapatid na Hong.

Sa entablado.

Kalmadong sinuri ni Zhao Feng ang kanyang kalaban.

Lalaban siya ng apat na beses ngayon, kung kaya, dapat niya agarang tapusin ang unang laban. Kailangan niyang tapusin ang unang tatlong laban nang mabilis dahil ang pinakanakasisindak na kalaban ay si Hou Yuan at dapat na lipunin ni Zhao Feng ang lakas niya para rito.

"Zhao Feng! Ang una mong laban ay siya ring iyong huli!"

Isang pulang liwanag ang gumuhit sa mga mata ni Xiao nang dumaloy sa kanyang buong katawan ang nakasusunod niyang aura patungo kay Zhao Feng.

"Nakasisindak naman talaga ang kanyang lakas at bilis."

Tila nahulog si Zhao Feng sa isang karagatan ng apoy. Bago pa man siyang makagalaw, ang kanyang kalaban ay natipon na ang inner strength nito at umatake.

Booom…

Ang matingkad na pulang kamao nito ay tila isang bulalakaw na dinaganan si Zhao Feng.

Flowing Wind Stance! Smoking Transparent Step!

Biglang lumabo at naawala ang anyo ni Zhao Feng. At gaya ng isang isda, sinimulan niyang umiwas sa mga atake ni Xiao Sun.

Ang pulang liwanag at ang nawawala-walang anyo ay nagdulot sa mga manonood ng hindi pagkakita sa mga nangyayari.

Nakikita nila ang mga atake ni Xiao Sun, pero hindi ang anyo ni Zhao Feng. Simula nang maunawaan ni Zhao Feng ang Illusion Fish Picture, ang kanyang Smoking Transparent Step ay lumagpas na sa max level.

Ang anyo ni Zhao Feng ay malabo, minsan tunay, minsan peke, at puno ng pagbabago.

Kahit napakalakas pa ng atake ni Xiao Sun, wala ni isa ang kayang mahawakan kahit ang damit ni Zhao Feng. Ang speed skill niya ay napakahusay, at hindi kayang malaman ni Xiao Sun kung alin sa mga anyo ang tunay na Zhao Feng. Palagi siyang nalilinlang.

"Ang speed skill na ito ay mukhang naglalaman ng kaliwanagan o enlightenment mula sa mga arrays. Hindi kaya…?"

Napatitig na lamang si Deacon Qiu sa anyo ni Zhao Feng habang gulat ang masisilayan sa kanyang mga mata.

Ang dalawang nasa entablado ay nagpalitan ng mga atake panandalian at kahit ang Blazing Sun Manual ni Xiao Sun ay napakalakas, hindi niya pa rin natatamaan si Zhao Feng. Ganoon pa man, ikinagulat pa rin ng top ten substitute inner disciples ang kanyang lakas.

Kahit si Zhao Feng ay ayaw siyang harapin nang ganoon. Una, gumagamit siya ng isang Middle Class Mortal Skill at kahit hindi pa ito nahahasa ni Xiao Sun sa mataas na antas, napakalakas pa rin nito. Ikalawa, gustong tipirin ni Zhao Feng ang kanyang lakas para sa mga laban mamaya.

Blazing Sun 3 Strikes!

Isang mapusyaw na pulang apoy ang lumabas mula sa katawan ni Xiao habang ang kanyang mainit na pulang kamao ay bumuga ng tatlong beses na magkakasunod-sunod, at nakagawa ng isang wide ranged wave attack.

Ang mapusyaw na pulang hangin ay napunta sa iba't ibang direksyon.

Mula lamang sa atakae na ito, matatalo niya na is Ji Fengyun, na dating nasa ikalabing-tatlong puwesto. Hindi na nakapagtataka na may kumpiyansa siyang harapin si Zhao Feng.

"Break!"

Ang ilusyonal na anyo ni Zhao Feng ay muling nagpakita sa harap ni Xiao Sun, sa ngayon, gumawa na siya ng atake.

Pew! Pew! Pew!

Ang ikalawa niyang daliri ay paulit-ulit na umulos mula sa iba't ibang posisyon. Ang ilang mga guhit ay diretsong liwanag, ang ilan ay bako-bako, pero lahat sila ay patungo kay Xiao Sun.

Namutla agad ang mukha ni Xiao Sun dahil ang mga atake ni Zhao Feng ay napupuno ng liksi at ang mga tunay na atake ay mahirap hanapin.

Ang tanging narinig lamang niya ay ang tunog ng inner strength na inilabas at kung kaya, sinubukan niyang hanapin ang posisyon ni Zhao Feng sa pamamagitan ng tunog. Pero matapos maghalo ang Star Finger sa mga enlightenments ng Illusion Fish Picture, halos bago na ang skill na ito. Ang pinsala nito ay napakataas na at punong puno ng liksi at mga ilusyon.

Ano man ang nakikita at naririnig niya ay maaaring hindi tunay dahil ag mga tainga at mga mata ay nalilinlang ng mga ilusyon.

Shooosh!

Isang guhit ng liwanag ang tumusok sa braso ni Xiao Sun na siyang nag-iwan ng malalim na sugat at nagpanginig sa kanyang katawan.

Hindi nagtagal, agad itong nasundan ng ikalawa at ikatlong mga sugat…

Nasa desperadong sitwasyon na si Xiao Sun at galit na galit niyang pinadaloy ang Blazing Sun Maual para makalaban. Pero kapag ginagawa niya ito, hindi man lang niya mahawakan kahit ang mga damit ni Zhao Feng.

Ang bilis at mga kakayahang pang-opensa ni Zhao Feng ay palaging nalilinlang si Xiao Sun.

Sa isang saglit, mayroon agad na pito hanggang walong sugat si Xiao Sun sa katawan at ang kanyang buhok ay magulo na dahil sa pag-ihip ng hangin.

"Sumuko ka na."

Dalawang anyo ang naging sa harap ni Xiao na siyang nagpakita ng tunay na katawan ni Zhao Feng.

Ang daming ginamit na enerhiya ni Xiao Sun at ganoon pa man ay nasaktan pa rin siya. Kung hindi lamang naging maluwag si Zhao Feng sa kanya, matagal na siguro siyang namatay. Pero ang pakiramdam na hindi man lang niya matamaan si Zhao Feng sa buong laban ay ikinababaliw niya.

Blazing Sun Wave Destruction!

Ang palad ni Xiao Sun ay hinati ang hangin at siyang tumama kay Zhao Feng na nasa harap niya.

Ang eksenang ito ay nagdulot kay nila Yang Qingshan para mapabulalas sa takot at sa pag-iisip na hindi nag-iingat si Zhao Feng.

Plop!

Biglang nawala ang anyo ni Zhao Feng sa hangin.

Napasigaw ng "p***" si Xiao sa kanyang puso at bago pa man siya makagalaw, isang matalim na inner strength ang sumaksak sa kanya mula sa likod.

Ang kapangyarihan ng atakeng ito ay dumaloy sa kanyang buong katawan.

Nawala sa kondisyon ang katawan ni Xiao Sun nang sinubukan niyang lumingon at masalubong ang mga malamig na mata ni Zhao Feng: "Kung totoo lamang ang laban na ito, ilang libong beses ka nang namatay…"

Ano ang punto ng pagkakaroon ng mataas na cultivation at malakas na offensive skills? Kung ang iyong tunay na kapangyarihan sa laban ay mahina, kung ganoon wala itong saysay.

"Sa unang laban, ang challenger na si Xiao Sun ay natalo!" Pag-anunsyo ni Deacon Qiu.

Pagkatapos matalo ni Xiao Sun, binawi na agad ng magkapatid na Hong ang kayabangang ipinakita nila at ang kanilang mga ekspresyon ay biglang naging taimtim.

Sa labang iyon, ang lakas ni Xiao Sun ay mailalagay na sa top 10 at ang isang elitistang gaya niya ay pinaglalaruan lamang ni Zhao Feng.

Mahihinuha lamang na ang lakas ni Zhao Feng ay halos kasing lakas rin nila at hindi na hihina pa.

"Ang ikalawang laban: Si Zhao Feng nasa ikalabing-tatlong puwesto laban kay Hong Si na nasa ikasiyam."

Si Zhao Feng na ang challenger ngayon.

Ceng!

Ang malamang anyo ni Hong Si ay tila naging pusa nang pumunta siya sa entablado.

Bahagyang lumaki ang mga mata ni Zhao Feng. Nalaman niyang ang mga kilos ni Hong Si ay maliksi at nakikita niya ring napakalakas ng kapangyarihan na itinatago nito sa kanyang katawan.

"Isang maliksing katawan, hindi lamang niya naabot ang mataas ng antas ng body strengthening, kundi nasa half-step Ascended Realm na rin siya..."

Mayroon siyang larawan ng lakas ni Hong Si. Sa aspeto ng body strengthening at bilis, higit na mas mahusay ang kay Hong Si kaysa kay Xiao Sun.

Iron Plow Arm!

Ang anyo ni Hong Si ay biglang tumalon sa harap ni Zhao Feng at saka siya pinaulanan si Zhao Feng ng mabibigat na suntok.

Booom----

Isang 50 sentimetro na butas ang nagawa sa entablado, na siyang gawa sa purong itim na bato.

Ang Iron Plow Arm ni Hong Si ay isang napakadominanteng kakayahan na kayang pulbusin ang lahat.

Agad namang umaksyon is Zhao Feng sa pamamagitan ng kanyang Smoking Transparent Step upang maiwasan ang mga atake ni Hong Si. Pero ang kamalayan ni Hong Si ay higit na mataas kaysa kay Xiao Sun kung kaya mahahabol niya rin ang anyo ni Zhao Feng.

One Line Star Finger!

Isang matinis na tunog ang maririnig habang gumuhit ito sa hangin bago tuluyang tinusok ang defensive barrier ni Hong Si.

Shoosh!

Isang sugat ang naiwan sa kaliwang binti ni Hong Si nang umungol siya sa sakit.

Ang dahilan kung bakit naging matagumpay si Zhao Feng ay dahil natagpuan niya ang maliit na kahinaan ni Hong Si sa pamamagitan ng kanyang kaliwang mata. Hindi man lang alam ni Hong Si kung ano talaga ang naganap.

Matapos niyang masugatan sa binti, bumagal na ang kanyang bilis at muli na naman siyang natamaan ng Star Finger ni Zhao Feng. Hanggan sa magkaroon lamang siya ng sampung madudugo at malalalim na sugat ay saka siya napatumba ni Zhao Feng sa entablado.

Plop!

Natumba si Hong Si sa kanyang mukha at nagngitngit ang kanyang mga ngipin sa muhi. Kung hindi lamang siya nasaktan sa kanyang kaliwang binti mula sa simula, hindi sana babagal ang kanyang kilos, at hindi sana siya agad na matatalo.

"Hong San! Ang lalaking ito ay medyo weirdo, kung kaya mag-ingat ka…"

Sinabihan ni Hong si Hong San kung ano ang maaaring mangyari pagkaakyat niya.

Ang lakas ng kanyang nakatatandang kapatid ay napakahigit kung kaya kalmado lamang ito.

"Hong San! Hindi mo kailangang talunin ang sutil na ito. Ang kailangan mo lang gawin ay sayangin ang kanyang oras para gumamit siya ng maraming enerhiya." Isang boses ang narinig niya sa kanyang tainga.

Tumango lamang si Hong San at saka naglakad patungo sa entablado nang mabagal at pirmi ang bilis.

Hindi mapigilan ni Zhao Feng na suriin ang kanyang ikatlong kalaban nang mabuti.

Ang aura ni Hong San ay higit na malalim kaysa sa kanyang kambal.

Iron Eagle God Claw!

Ang bilis ni Hong San ay kayang tumakas at umabante agad at higit pa siyang maliksi. Ang kanyang mga atake ay matalim at kasing bilis ng kidlat.

Pa!

Ang lightning fast claw, na kayang sumira ng metal nang iilang sentimetro, ay hiniwa ang hangin.

Smoking Transparent Step!

Muli, anyo ni Zhao Feng ay lumabo at naiwasan niya ang nakamamatay na atake ni Hong San.

Ang dalawang anyo ay nagpalitan na rin ng mga atake.

Nalaman ni Zhao Feng na hindi basta-bastang umaatake si Hong San, palagi itong nakapokus at hindi minamaliit ang kanyang kalaban.

Matalim ang mga mata ni Hong San habang malamig na nakatingin kay Zhao Feng: "Sutil na nagngangalang Zhao, totoo ngang mas malakas ka kaysa sa akin, pero hindi mo agad ako matatalo."

Ang layunin lamang niya ay ubusin ang enerhiya ni Zhao Feng at wala ng iba pa.