Si Ning Jie Ang Pinakamatalino

Hindi naman sa hindi maingat si Gu Heng, ngunit nitong mga nakalipas na ilang araw, pinakakaba siyang masyado ni Bai Qiusheng. Kaya, hindi na niya alam kung kailan nagsasabi ng totoo o nagsisinungaling si Bai Qiusheng. Sinabi lamang nito sa kanya, "Ang lahat ay maaayos din sa loob ng ilang araw. Kapag dumating ang araw na iyon, ikaw na ang magiging bidang babae."

Sa puntong ito, matagal nang kinalimutan ni Gu Heng ang ideya na maging bidang babae. Ang pinag - aalala na lamang niya ngayon, ay kung malalantad si Bai Qiusheng.

Gayunpaman, hindi nagbabahagi ng anumang inpormasyon si Bai Qiusheng sa kanya. Sinabi lamang nito sa kanyang maghintay at siguraduhing huwag ibubunyag ang kanilang relasyon. Ngunit, ang walang kabuluhang ito ang dahilan kung bakit niya kinagat ang patibong ni Bei Chendong sa sandaling ibato ito nito – dahil wala siyang ideya kung ano ang pinaplano ni Bai Qiusheng.