32 "Let me love you"

Chapter 32. "Let me love you"

Ethina's POV

"Mahal na mahal mo talaga si Sanjun? Kahit na nagpapanggap lang kayong mag-asawa."

"Papaano mo nalaman?" Hindi makapaniwalang tanong ko kay Direk. Naguguluhan ako at di ko maintindihan ang nangyayari. Bakit pakiramdam ko, iba ang Direk na nasa harap ko. Masyado siyang seryoso, ang mga tingin niya, kakaiba. Nawala ang ngiti sa mata niya maging ang masayahin niyang mukha.

"Narinig ko kahapon noong pumunta kayo kay Marcus."

"K-Kay Dr. Marc?" Nauutal kong sabi. "Pero—"

"Ethina, mahal mo na ba si Sanjun?" Muli akong nabigla at napatingin kay Direk, bakas sa mukha ko ang lito. Hindi ko alam kung bakit, pero kakaiba ang nakikita ko ngayong Shawn.

"Direk, bakit—" Hindi na ako nakapagsalita ng bigla niyang iniwas ang tingin niya't tumawa.

"Don't mind me Ethina, ano? Okay na ba 'yung inorder mo? Let's go." Yaya niya sa akin at nauna siyang maglakad palabas.