40 "For real relationship!"

Chapter 40. "For real relationship!"

Ethina's POV

Matapos ng gabing 'yon. Nagbago na ang lahat, naging sweet na si Sanjun sa akin. Naging tao na siya at hindi demonyo. Matapos ng gabing 'yon, inamin na namin sa mga sarili namin na mahal namin ang isa't-isa. At noong sinabi niyang gagawin niyang tama ang lahat. Oo, gagawin na naming tama ang lahat. Pinunit na namin ang kontrata at ang pekeng marriage contract.

Kinausap ni Sanjun ang abogado niya para ayusin ang magiging kasal na namin sa huwes. At dahil nga peke ang una naming kasal, magiging sekreto ang magiging tunay na kasal namin sa huwes. Hindi pwedeng malaman ng mga tao na isang pekeng kasal yung nauna. Pero ayos lang, dahil alam ko na sa pagkakataong ito. Magiging totoo na.

"Sabi ko na nga ba, walang kwenta ang rules rules na 'yan Ethina Jay." Iiling-iling na sabi ni Jenina tsaka uminom ng orange juice na inorder namin. Nginitian ko lang siya at uminom rin ng juice ko.