214 The Truth

Sa kaduluduluhan ay wala na ring nagawa si Arthur kundi ang sumama sa mag asawa. Tahimik ang lahat habang pauwi sila sa condominium. Hindi malaman ni Ashley kung paano uupo, dahil ang asawa ay ang higpit ng yakap sa kanya, habang ang kuya naman niya ay ang sama ng tingin pero walang magawa at masabi.

Unang una ay si Tanaga ang boss nila, pangalawa ay hindi niya alam ang tunay na relasyon ng dalawa. Hindi niya naiwasan na hindi tumingin sa daliri ng kapatid. Biglang nanlaki ang mata niya ng makita niya ang kumikislap na singsing sa daliri nito na puno ng diamond.

Sumunod niyang tiningnan ay ang daliri ni Tanaga at nakita nya na ay suot din itong singsing na katerno ng suot ng kapatid. 'Ano ito? Bakit pareho at magkaterno ang singsing na suot nila? Anong ibig sabihin ng nakikita ko' Sa isipan ni Arthur habang nakatitig siya sa mga kamay ng dalawa.