203 Surprise Visit 3

'Ano kaya ang relasyon nilang dalawa? Siguro babae niya ito! Kaya naman ganoon na lang kung makatingin kay ma'am Ashley... Parang gusto na niya itong kainin ng buhay!' Sa isipan ni Celia habang nagaantay siyang magsimula si Ashley ng kanyang katanungan.

Si Tanaga naman ay hinawakan sandali ang binti ng asawa sa ilalim ng lamesa at hinimas para magkalmado ito. Pagkatapos ay iniabot niya ang papel na ginagamit niyang example ng mga tanong upang magamit ni Ashley na guideline sa gagawin niyang pag interview.

Binasa muna ito ni Ashley sandali upang malaman at makabisado bago siya magsisimula sa kanyang gagawin. Habang nagbabasa si Ashley, si Tanaga ay nakatitig lang sa asawa at ang amo-amo ng mukha na may kongting ngiti sa kanyang mga labi habang nagaantay na matapos magbasa si Ashley.