305 Sige Na, Pwede Ba?

Tamang tama na lumapat ang labi ni Tanaga sa labi ni Ashley. Bigla na lang silang nakarinig ng isang malaking tili. "Oh' My Jesus!!!!" Sabay talikod ni Sato at mabilis na tumako pabalik sa opisina.

Dahil sa tili' ni Sato, nauntol tuloy ang sana ay isang sweet moment ng mag asawa. Kaya naman bigla na lang nag mukhang sambakol ang mukha ni Tanaga. Habang si Ashley naman ay namula at nahihiya dahil nahuli sila ni Sato sa akto.

Dahil nawala na ang moment, mabilis na itinulak ni Ashley si Tanaga at inayos ang kanyang sarili bago naghandang pumunta sa break room upang initin ang kanyang baon. 

"Wait! Saan ka pupunta?" Nagtatakang tanong ni Tanaga ng iba ang direction na pupuntahan ni Ashley.

Biglang napatigil si Ashley dahil ang dala niyang baon ay para lang sa isang tao. Papaano na si Tanaga? Hindi malaman ni Ashley ang kanyang gagawin, dahil hindi niya rin alam kung paano pakikitunguhan ang asawa na nakatayo lang at nag aantay sa kanyang sumagot.