271 President Koji Hanada

Bago si Koji umupo bilang Presidente ng kumpanya, nag conference call silang tatlo ni Grandma Hanada at Jeff. Dito niya nalaman kung ano ang tunay na pangyayari at kung ano ang nangyari kay Tanaga na kagagawan ng kanyang ama.

Dahilan ito para tumanggi si Koji sa ibinibigay na position at gusto na ring mag resign sa pagiging COO ng THJ Group. Hiyang hiya at nanliliit si Koji nang malaman niya na ang kanyang ama ang ang nagutos na patayin si Tanaga at pati na rin si Grandma Hanada.

Pero hindi naman pumayag si Grandma Hanada sa gustong mangyari ni Koji. Dahil ito lang ang kanyang maasahan lalo na at hindi pa siya sigurado kung ano ang mangyayari kay Tanaga.

Ginawaan ni Grandma Hanada ng paraan upang magbago ang isipan ni Koji at tangapin ang pwesto na Presidente ng kumpanya. Ipinagtapat ni Grandma Hanada ang lihim ng kanilang pamilya na hindi nila tunay na anak or ampon mang lang ang ama ni Koji.