371 Looking For Ashley...

Samantala, sa Orlando, Florida, ito na ang huling araw ng kombensiyon at malapit ng matapos.

Si Sato, Fumika, Celia at ang lahat ng kanilang kasama galing sa branch sa Tampa ay busy sa gawain upang makabalik na silang lahat sa kani-kanilang mga opisina at trabaho.

Simula ng umalis si Ashley patunging Europa, hindi pa ito nakakausap ng tatlo. Basta ang alam lang nila ay pagkatapos ng kombensiyon, susunod si Sato kina Ashley at Tanaga, habang si Fumika at Celia ay babalik sa Houston. 

Napagalaman ni Fumika na siya ang magiging pansamantalang sekretarya ng bagong Presidente habang wala si Ashley. Kaya naman ganoon na lang ang kanyang kaba, hindi siya sigurado kung ano ang ugali ng kanyang bagong amo.

Habang busy ang lahat sa pag eempake ng mga gamit at natirang materyales sa advertising, si Celia naman ay nag empake sa loob ng pangsamantalang opisina.