416 Ganito Ba Talaga Ang Mga Asian Mag Party?

Isang buffet style na all you can eat ang ginawa nila para hindi sila mag alala kung ano ang kakainin ng mga bisita.  Meron ding open bar para sa gustong uminom at lahat ng klase ng alak ay meron.  Kaya naman nagpakasasa ang lahat at wala kang maririnig kundi ang magagandang comments galing sa lahat ng bisita.

"Ganito ba talaga ang mga Asian mag party?"  Tanong ng isang American na babae sa katabi niyang Asian na kapitbahay.

Ngumiti muna ang Asian na babae bago sumagot.  "Oo' ito ang nakagawian namin sa aming bansa.  Kapag sinabing party, hindi kami nagbibiro."  Pagyayabang niya na akala mo siya ang naghanda.

Ang iba pang mga Amerikanong nakatira sa subdivision ay manghang mangha kung gaano kabonga ang Asian magpa party.  Hindi isang biro ang dami ng ibat-ibang putahe ng pagkain, at klase ng inumin.