91 Chapter 91

Ang ganda ng tawanan nila Ashley at lola Hanada habang sila ay nakasakay sa elevator.  Si lola Hanada ay hindi maubusan ng kwento tungkol sa mga lugar na kanyang nabisita at ito ay sobrang dami.  Kaya naman hindi nila namalayan eh' nakarating na pala sila sa top floor kung saan nandoon ang condominium unit ni Tanaga.

Hangang hanga si Ashley na lumabas sila ng elevator.  Ang bumungad sa kanya ay isang malawak na living room na kumpleto sa lahat.  Sectional na puting malambot na material ang upuan at malaking glass table ang nasa harapan nito na me matching end table sa bawat dulo ng sofa.

Sa may likuran ng sofa ay merong isang mahabang rectangular na lamesa at me flower base sa ibabaw nito.  Both side ng flower base ay me mga lladro figurines.  "Wow!"  Lang ang lumabas sa bibig ni Ashley habang nanlalaki ang kanyang mga mata sa paghanga.

"Ano?  Nagustuhan mo ba?"  Tanong ni lola Hanada sa kanya habang sila ay naglalakad papunta sa sofa para umupo.