77 Chapter 77

Nang bumalik si Ashley at Tanaga sa Club/Bar ang lugar ay tahimik na at wala ng mga tao kundi ang pamilya na lang ni Ashley at si Sophia. Nanlaki ang mata ni Ashley ng makita niya na nakaupo si Sophia at nakikipag-inuman sa mga kapatid niya at magulang.

"Hahaha!"

"Hahaha!"

"Hahaha!"

Malakas na tawanan ang inabutan nila Ashley at Tanaga.

"Wow! Ang saya ninyo ah! Ma'am Sophia, maraming salamat po! Nakakahiya naman po sa inyo at hindi ka na pinakawalan ng pamilya ko." Sabi ni Ashley habang paupo sa tabi ni Sophia.

Si Tanaga naman ay kinalabit si Arman para kausapin sa labas sandali. "Arman, pwede ba kitang makausap sandali? Meron lang akong kailangan na ibigay sa iyo. Surpresa ni Ashley sa magulang mo at sa inyo."