67 Chapter 67

Napansin ni Ashley na minamatyagan sila ng mga kuya niya habang nagbubulungan ang mga ito, bago panay ang tingin sa kanilang dalawa. 'Hmmm, kailangang mag-ingat itong si Tanaga, kung hindi ay mabubuking kami sa ginagawa niya.' Sa isip ni Ashley, pero hindi siya nag-pahalata sa mga kapatid.

"Sige po, boss! Magkita na lang tayo sa Casino area, mag iikot-ikot lang po kami." Sinigurado niya na malakas ang boses niya para marinig ng mga nakatatandang kapatid.

Naintindihan din ni Tanaga ang ginawa ni Ashley, kaya naman biglang naging professional ang itsura ng kanyang mukha at seryosong sumagot pabalik. " Sige! Pag-natapos ako sa business ko, hahanapin ko na lang kayo." Sabay nag-paalam siya sa mga kapatid at magulang ni Ashley bago umalis para harapin ang mga taong dapat managot.