164 Chapter 164

Biglang natauhan si Koji ng marinig niya ang boses ni lola Hanada.  Mabilis siyang pumasok sa loob ng elevator upang malaman kung ano ang nangyari kay Ashley.  Hindi na nagpatumpik tumpik pa si Koji at ipinakita na niya ang kanyang pag-aalala.

"What happened?  Saan ang punta nyo?"  Tanong ni Koji, direkta kay Ashley na puno ng pag-aalala ang kanyang mga mata at walang pakialam na masama ang tingin ng lola niya sa kanya.

Sasagot na sana si Ashley, ang kaso mo ay mas mabilis si lola Hanada na sumagot.  "Natalisod kasi si Ashley ng nasa opisina ko at hindi masyadong makalakad.  Kaya dadalhin namin siya sa doctor para patingnan ang kanyang paa."  Aniya ni lola Hanada ng hindi man lang kumukurap ang mga mata.

"Ganoon po ba?  Samahan ko na kayo lola, baka kailangan ninyo ang lalake."  Aniya ni Koji na hindi man lang nag-isip sa kanyang sinabi.