162 Chapter 162

"Tan, sino yun?"  Tanong ni Ashley halatadong nagaalala at may konting halong selos.

Hindi na nakasagot kaagad si Tanaga sa tanong ni Ashley dahil kinakausap siya ng babae.  Ito ang boses na narinig ni Ashley.

"Mr. Jones, the President would see you now."  Sabi ng assistant ng Presidente ng America.  Walang magawa si Tanaga kundi ang putulin ang pag-uusap nila ni Ashley.

"Love, tawag na ako.  Mamaya na lang tayo mag-usap ok! I love you! Tsup, tsup!"  Hindi na inantay ni Tanaga ang sagot ng asawa dahil nakatayo ang assistant ng Presidente sa harapan niya at nagaantay.

Ang huling sinabi ni Tanaga lang ang kailangan ni Ashley na marinig at masaya na siya.  Lalo na at sinamahan pa ng asawa ng dalawang kiss, dahil doon kuntentong-kuntento na siya.  Masaya siyang lumabas ng office ni Tanaga at binati ang tatlong Maria.

"Magandang umaga, sa inyong tatlo!"  Aniya ni Ashley habang papalapit siya sa mga ito.