160 Chapter 160

"Ang boss ko po ay... Ano... May ano po siya sa akin..."  HIndi masabi sabi ni Ashley at nauutal siyang magsalita.  Kaya naman si nanay Fely ay hindi na nakayanan at pagalit ng nagtanong...

"Anak!  Kung pwede lang sana ay sabihin mo na kung ano ang sasabihin mo bako pa ako mahimatay sa nerbiyos.  Kanina ka pa eh!"  

"Ang boss ko po, may gusto sa akin!  Ano po sa palagay ninyo?" Tanong ni Ashley na nanlalaki ang mata.

"Ano' kamo?  Totoo ba ito anak?  Hahaha!  Sinasabi ko na nga ba eh!  Hinding hindi niya gagawin lahat ng ginawa niya para sa amin noong umalis kayo, kung walanga gusto sa iyo ang amo mo.  Anak, kung ako ang tatanungin mo ay botong boto ako sa Hapon na iyan. 

"Pero ang mas importante ay ikaw!  Ano ba ang nararamdaman mo para sa kanya?"  Deretsahan ng tinanong ni nanay Fely si Ashley habang ito ay nakangiti ng abot hangat tenga.