110 Chapter 110

Dahan dahang kumatok sa pintuan si mayordomo dahil takot na masigawan uli.  *Knock, knock, knock!*  "Sir, pwede po ba akong pumasok?"  Ne-nerbiyos na tanong ni mayordomo.  Nang hindi sumagot si Tanaga, dahan dahan niyang binuksan ang pintuan at sumilip muna. 

Una ang ulo, habang inikot niya ng tingin ang kalooban ng opisina kung nasaan si Tanaga.  Nang makita niya nakahiga ito sa sofa at nakapikit ang mata, dahan dahan niya uling sinarado ang pintuan at nagpasyang ipagpabukas na lang kung ano man ang kailangan niya.

Papasok na sana si mayordomo sa kanyang kwarto upang magpahinga ng tumunog ang buzzer galing sa guard house.  "Ano ba naman ito, late na eh' sino ba naman itong mangbwisita ng ganitong oras?"  Bulong ni mayordomo sa sarili habang pinipindot ang intercom.

"Guard, ano ang kailangan mo?"  Galit na tanong ni mayordomo.