3 Dosti Ki Shuruvaat.

Sahil or khushi ke beech ki misunderstanding ** khatam hui to vo ache dost ban gae. Magar dost ban ne ke baad bhi sahil or khushi ke beech me itni jada baat nhi hoti thi ki jis se unhe ek dusre se pyar ho jae. Sahil is hi me bohot khush tha ke kam hi sahi magar khushi se baat to hone lagi. Ese hi din guzrte gae. Or ek din khushi apni family ke sath gurudware me se vaps aa rahi thi. Tabhi achank vha se sahil bhi aa raha tha. Dono ne ek dusre ko dekha or muskurae. Dono ke dil me kuch hua. Magar vo dono is sign ko samajh na sake. Fir Jab khushi ghar pohanchi to usne sahil ko message kiya. Khushi or sahil facebook par mile the. Par ab vo instagram pr bhi add ho chuke the. Khushi ne sahil ko instagram pe message kiya. Or unki baat shuru hui. Ab sahil or khushi itne ache dost ban chuke the ke vo dono ek dusre se baat kiye bina reh hi nhi sakte the. Sahil or khushi pura din ek dusre se baat karte rehte the. Khushi or sahil ko ek dusre ke sath baat karna bohot acha lagta tha. In dino khushi ki chuttiya chal rahi thi. Vo apne +2 ke result ka intezar kar rhi thi. Chuttiyon me khushi or sahil kabhi bhi mile nhi. Magar fir bhi unka bond ek dusre ke sath bohot acha tha. Khushi or sahil ke beech me pyar to tha magar vo is baat ko samjh na sake. Vo ek dusre ko sirf friends hi samjhte the. Sahil or khushi ek dusre ka acha dost ban kar bohot khush the.