1 Sapa ya..

TUSUN 1

Lebih 25 tahun udah ninggal ke menuA.. Ketegal ti nitih ke pengawa ba negeri besai.. Diak ABON deka mai sida sebilik pulai nemuai Agai rumah indai ya dimenua laban sida ya suba berumah kediri enda betampung enggau urang nya ya enda Kala nyebut diri asal ari rumah panjai... "Udah lama aku enda Kala pulai ngabas indai dimenua!! Berasai aku lelenggau ke indai.. Tambah enda Kala aku ngirum berita ke ya.. Tajapun udah betahun agi gak aku liat ati enggau indai.. Mm... Mmm"'!! Ku ABON bejako kediri lebuh ya duduk.. Diak ati ya belabuh rindu.. Enda berasai ai mata ya labuh.. Beremban ya ngelap.. Selabuh nya datai anak bujang ya alu duduk semak enggau ya diak...meda mata apai ya berupai amat merah bekau udah nyabak diak ijat alu nanya.. "Nama utai ngasuh runding nuan bangat sinu apai!??.. Ku tudah ijat nanya.. "Enda nemu, nama kebuah saritu ati aku balat amat sinu ijat.. Ngelamatu enda aku asai tu.. Tajapun aku selalu berunding kediri.. "Saut ABON mejamka mata ya.. Alu dibatak ya seput dalam dalam.. Udah nya ya pun alu muka mata ya baru.. "Nama utai ko nuan apai!! Enda nemu aku.. "Ku tudah ijat agi neka nama utai di padah ke apai ya ABON nya.. "Udah lama aku ninggalka inik nuan dimenua din.. Udah lama mega aku enda pulai ke menua aku din.. Semak 25 tahun bedau ada agi nuan ijat.. Tambah aku nadai kala madah ke kitak madik sapa aku kebendar enggau ari nie penatai aku.. Kada aku nemu jalai pulai kin dah ijat..!! Mmm,, ku ABON madah ke ijat utai diasai ke ya.. Lama ijat malik agai mua apai ya.. Berunding ke utai disebut apai ya.. "Naiii ngelamatu sida ya pulai ke menua sapa dah tiap kali gawai sigi pulai ke rumah panjai belama meh sida sebilik inik pun kala meh ya meda... "Sapa ya ke dipadah apai ya inik nya!!! Lalu nie bagi menua disebut apai dah?!!!... Aaaaa.. "Ku ijat berunding sereta ya nyelam mua apai ya.. " ukai menua apai ba rantau kemiding(nama gaga) meh!!! Ku ijat nguji nanya.. ABON pun alu tuchum sereta ya angkat ari penuduk ya.. "Ijat,, nyangka nuan meh keterubah kitak madik nemu sapa apai nuan tu lalu menua aku.., rantau kemiding amat rumah panjai kitai.. Ti selalu alai pulai... Tang nya ukai penatai asal apai nuan tu.. penatai asal aku ba nanga melai ulu sungai besi (nama gaga) lalu inik ke dipeda nuan diatu ukai inik dar nuan ya indai iru aku aja... Tang aku sayau agi ke ya banding enggau inik nuan empu.. " enda berasai sekali agi ai mata ABON labuh.. Dalam penguji ya ngelamatu.. Ijat enda bejako agi.. Lama ya berati ke utai dipadah ke apai ya.. "Nama kebuah baru diatu nuan madah dah?? Ku ijat nimbal apai ya.. "Laban aku enda kempang,, enggai ke utai nyadi sekali agi.. " saut ABON malik agai luar rumah banglo sida ya.. "Nama utai nya dah?? Ku tudah ijat agi nanya apai ya.. Ati ya pun deka nemu cerita ke amat.. "Panjai cerita ya ijat,, ti ditusi ke aku nyangka enda ampus malam tu.. "Ku ABON malik ngagai anak bujang ya.. Dalam ati deka ya nusi nama utai nyadi tang enda kempang.. Nangi ke anak ya enda arap... "Padah aja meh apai,, nyangka aku ulih nulung nuan mutar ke ya.. Ari nuan nimpan ya lama.. "Ku tudah ijat nguji mujuk ngambik apai ya madah nama utai nyadi.. Lama ABON enda bejako... Meda ijat bisi ati deka nemu diak ABON duduk baru.. "Ijat,, aku enda ulih nusi nama utai nyadi sepengelama 25 tahun suba tang aku deka nuan ngasai ke ya.. Nama utai ti nyadi ba aku sebedau tu,, " panjai batak seput ABON meda mua ijat agi dalam tanda tanya.. "Nama utai ko nuan tu apai,, alu enda nemu aku.. Tuju utai ko nuan.. "!! Ku ijat baru.. "Enti nuan deka nemu nama utai ko aku,, nuan empu meh ngiga nama utai nya...!! Sengaja ya nguji anak bujang ya ngambik ke deka agi nyelam ke tasik ti nimpan seribu satu rahsia... "Bakanie aku deka nemu ti nuan enda madah pengepun ya.. Aku nyau baka betanya ba cermin.. Meda ayas diri... "Ku ijat baru... "Ti nuan amat deka nemu pagiila lusa aku madah ke nuan,, diatu aku semina deka ngasuh nuan nanya diri empu.. Sanggup enda nuan belelang jauh.. Jauh datai ba menua apai din, sebedau apai mulai kediri aku deka ngasuh nuan dulu kin.. "Ku ABON meri runding agai anak bujang ya.. Kebatang dar ya enda berani datai kin laban ya deka nemu bakanie URANG din diatu... Sekali ke baka suba tau ke enda.. Manah ba runding ya ngasuh tudah ijat dulu kin.. Tambah URANG enda kala meda anak ya nyadi nyamai ya deka nemu rita URANG din... "Kati ke aku enda nemu jalai dah apai!! Tambah aku enda ngelala URANG lalu dini menua nya pun aku enda nemu.. "Ku tudah ijat nyaut apai ya.. "Pasal nya nuan anang irau nemu apai ngatur ya.. Diatu nuan berunding sanggup enda nuan kin?!! ku ABON alu angkat ari penuduk ya sereta ya malik agai gamal anak bujang ya ti agi enda bemunyi nya.. "Au, meh apai!! Nganti aku berunding dulu.. " saut ijat malik ngagai apai ya ti udah tamak ke bilik besai.. Ijat narik seput ti dalam.."nama meh utai ti nyadi,, lalu sapa ya??? Inik!!! Ku ijat bejako dalam ati.. sesemampai betanya meh tudah ijat...

... Tampung! By_endu asie